- Джеринден айырылгъан – джети джылар, джуртундан айырылгъан – ёлгюнчю джылар.
- Адеб джокъда, намыс джокъ.
- Кийиминг бла танылма, адамлыкъ бла таныл.
- Къарын къуру болса, джюрек уру болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Керти сёзге тёре джокъ.
- Гитче джилтин уллу элни джандырыр.
- Чакъырылмагъан джерге барма, чакъырылгъан джерден къалма.
- Эрни эр этерик да, къара джер этерик да, тиширыуду.
- Зарда марда джокъ.
- Аман адам этегингден тутса, кес да къач.
- Адам къыйынлыгъын кёлтюрюр, зауукълугъун кёлтюрмез.
- Къатын байлыкъны сюер, эр саулукъну сюер.
- Адамны сабийин сюйген джюреги, бычакъча, джитиди.
- Аууздан келген, къолдан келсе, ким да патчах болур эди.
- Булут кёкге джарашыу, уят бетге джарашыу.
- Къонакъ аман болса, къонакъбай джунчур
- Тилде сюек болмаса да, сюек сындырыр.
- Ашхы атаны – джашы ашхы, ашхы ананы – къызы ашхы.
- Келинин тута билмеген, къул этер, къызын тута билмеген, тул этер.
- Ариу – кёзге, акъыл – джюрекге.
- Къобан да къуру да къобханлай турмайды, адам да къуру да патчахлай турмайды.
- Гугурук къычырмаса да, тангны атары къалмаз.
- Экиндини кеч къылсанг, чабыб джетер ашхам.
- Джарашыу сюйген – джалынчакъ.
- Тойгъан джерге джети къайт.
- Эте билген, этген этеди, эте билмеген, юретген этеди!
- Джыгъылгъанны сырты джерден тоймаз.
- Чомартны къолун джокълукъ байлар.
- Кийимни бир кюнню аясанг, минг кюннге джарар.
- Джангызны оту джарыкъ джанмаз!
- Адамны джюреги нени кёрюрге сюйсе, кёзю да аны кёрюрге ёч болады.
- Элиб деген, элге болушур.
- Ауругъаннга – кийик саулукъ, джетген къызгъа – чилле джаулукъ.
- Чакъырылмагъан къонакъ тёрге атламаз.
- Биреу къой излей, биреу той излей.
- Къолу уллу – асыу, аягъы уллу – джарсыу.
- Мураты болгъанны джюрек тебюую башхады.
- Эр сокъур болсун, къатын тилсиз болсун.
- Душманны тышы – акъ, ичи – къара.
- Атынг аманнга чыкъгъандан эсе, джанынг тамагъынгдан чыкъсын.
- Ачыкъ джюрекге джол – ачыкъ.
- Ана къойну – балагъа джандет.
- Иги – алгъыш этер, аман – къаргъыш этер.
- Ачлыкъда тары гырджын халыуадан татлы.
- Бичгенде ашыкъма, тикгенде ашыкъ.
- Ётюрюкчюню шагъаты – къатында.
- Бал ашаргъа сюе эсенг, чибин ургъаннга тёз.
- Кёбню кёрген – кёб билир.
- Юйюнгден чыкъдынг – кюнюнгден чыкъдынг.
СВЕДЕНИЯ О БУДУЩИХ СОБЫТИЯХ (ОКЪУ)
Читают тему (гостей: 1)