- Ёлюк кебинсиз къалмаз.
- Билим ат болуб да чабар, къуш болуб да учар.
- Тёгюлген тюгел джыйылмайды.
- Ойнаб айтсанг да, эслеб айт.
- Къаллай салам берсенг, аллай джууаб алырса.
- Мухар, кеси тойса да, кёзю тоймаз.
- Мени джылытмагъан кюн, меннге тиймесин!
- Къартны бурнун сюрт да, оноугъа тут.
- Кюлме джашха – келир башха.
- Окъуу – билимни ачхычы, окъуу – дунияны бачхычы.
- Экеу тутушса, биреу джыгъылыр.
- Чабакъгъа акъыл, табагъа тюшсе келеди.
- Къонакъ кёб келюучю юйню, къазаны отдан тюшмез.
- Миллетни бойну – базыкъ, аны бла кюрешген – джазыкъ.
- Кёз – сюйген джерде, къол – ауругъан джерде.
- Арбаз сайлама да, хоншу сайла.
- Намыс болмагъан джерде, насыб болмаз.
- Тёзген – тёш ашар!
- Адам сёзюнден белгили.
- Сютню башын джалагъан къутулур, тюбюн ичген тутулур.
- Къолунгдан къуймакъ ашатсанг да, атаны борчундан къутулмазса.
- Кёл – къызбай, къол – батыр.
- Атадан ёксюз – бир ёксюз, анадан ёксюз – эки ёксюз.
- Чомарт къолда мал къалмаз.
- Аман адам элни бир-бирине джау этер.
- Келинни – келгинчи, бёркню кийгинчи кёр.
- Ишлемеген – тишлемез.
- Суугъа – чабакъ, къаягъа – ыргъакъ.
- Адам туугъан джеринде, ит тойгъан джеринде.
- Тили узунну, намысы – къысха.
- Суугъа – таянма, джаугъа – ийнанма.
- Окъугъанны бети джарыкъ.
- Айтылгъан сёз ызына къайтмаз.
- Сууда джау джокъ, кёб сёзде магъана джокъ.
- Эки ойлашыб, бир сёлешген.
- Къарны аманнга къазан такъдырма, къолу аманнга от джакъдырма.
- Ач бёрюге мекям джокъ.
- Къыз тиширыу кеси юйюнде да къонакъды.
- Къызбайны юйюне дери сюрсенг, батыр болур.
- Эли джокъну – кёлю джокъ.
- Минг тенг да азды, бир джау да кёбдю.
- Дуния аламаты сен эсенг да, игиме деб айтма.
- Джаз бир кюнню джатсанг, къыш талай кюнню абынырса.
- Джюрек кёзден алгъа кёрюр.
- Малны кют, джерни тюрт.
- Тойгъан джерге джети къайт.
- Къайгъы тюбю – тенгиз.
- Бети къызарыучу адамны, джюреги харам болмаз.
- Рысхы джалгъанды: келген да этер, кетген да этер.
- Джети тилни билген джети кишиди.
СВЕДЕНИЯ О БУДУЩИХ СОБЫТИЯХ (ОКЪУ)
Читают тему (гостей: 1)