- Рысхысына кёре, джаш ёсер, къышлыгъына кёре, мал ёсер.
- Чакъырылмагъан джерге барма, чакъырылгъан джерден къалма.
- Адамгъа аман кюн соруб келмейди.
- Болджал ишни бёрю ашар.
- Джогъун бар этген, барын бал этген.
- Джумушакъ сёз къаты таякъны сындырыр.
- Билим – акъылны чырагъы.
- Айыбны суу бла джууалмазса.
- Таш ата билмеген, башына урур.
- Джолда аягъынга сакъ бол, ушакъда тилинге сакъ бол.
- Эл тойса, тоймагъан, эл къойса, къоймагъан.
- Джети тилни билген джети кишиди.
- Тойну къарнашы – харс, джырны къарнашы – эжиу.
- Ариу сёз – къылычдан джити.
- Чёбню кёлтюрсенг, тюбюнден сёз чыгъар.
- Тил джюрекге джол ишлейди.
- Этни бети бла шорпасы.
- Намысы джокъну – дуниясы джокъ.
- Юйюнг бла джау болгъандан эсе, элинг бла джау бол.
- Окъугъанны бети джарыкъ.
- Айырылгъанланы айю ашар, бёлюннгенлени бёрю ашар.
- Тай асырагъан, атха минер.
- Ашарыкъда сайлагъаннга – чий гырджын.
- Тулпарлыкъ, билекден тюл – джюрекден.
- Мухарны эси – ашарыкъда.
- Ат да турмайды бир териде.
- Суу да къайтады чыкъгъан джерине.
- Сагъышы джокъ – джукъучу, акъылы джокъ – къаугъачы.
- Алим болгъандан эсе, адам болгъан къыйынды.
- Къыз чыгъаргъан – къызыл къымжа.
- Кеси юйюмде мен да ханма.
- Рысхы – сют юсюнде кёмюк кибикди.
- Тюзню ётмеги тюзде къалса да, тас болмаз.
- Эркишиге тары кебек танг кёрюнюр.
- Адамны адамлыгъы къыйынлыкъда айгъакъланады.
- Эринчекге кюн узун.
- Башы джабылгъан челекге, кир тюшмез.
- Сангырау къулакъ эл бузар.
- Къызны минг тилер, бир алыр.
- Аманнга да, игиге да оноусуз къатышма.
- Бал ашаргъа сюе эсенг, чибин ургъаннга тёз.
- Аджаллыгъа окъсуз шкок атылыр.
- Тау башында, тау болмаз, джангыз терек, бау болмаз.
- Арбаз къынгырды да, ийнек сауалмайма.
- Джуртун къоругъан озар.
- Ашлыкъны арба юйге келтирир, чана базаргъа элтир.
- Керек ташны ауурлугъу джокъ.
- Арыгъан къош чамчы болур.
- Тойгъа алгъа да барма, тойда артха да къалма.
- Тёрдеги кюлсе, эшикдеги ышарыр.
Ана тилин билмеген, башха тилни къайдан билликди?
|
Не бла болушургъа боллукъбуз?
|
|
|
|
|
|
nos
Сау болугъуз.  Бизни бла окъургъа излегенле, къошулугъуз!  |
|
|
|
|
|
Девушка Гор
Полностью разделяю ваше желания. Кесигизге джукъ къурасагъыз, бизге да (москвагъа) бир болушурсуз. |
|
|
|
|
|
Я бы с удовольствием посещала бы, но так далеко Карачаевск((
|
||||
|
|
|
|||
Читают тему (гостей: 1)