- Намысы джокъну – дуниясы джокъ.
- Ётюрюк хапар аякъ тюбю бла джюрюйдю.
- Джаханимни кёрмей, джандетге кёл салмазса.
- Кюлме джашха – келир башха.
- Сабийни джумушха джибер да, ызындан бар.
- Джолунга кёре – джюрюшюнг, джагъанга кёре – юлюшюнг.
- Атлыны ашхысы, ат тизгининден билинир
- Сакъ юйюне сау барыр.
- Ётюрюкчюню шагъаты – къатында.
- Элде адам къалмаса, ит тахтагъа минер.
- Ач бёрюге мекям джокъ.
- Огъурлуну сёзю – суу, огъурсузну сёзю – уу.
- Ач да бол, токъ да бол – намысынга бек бол.
- Чомарт къонакъ юй иесин сыйлар.
- Ауурну тюбю бла, дженгилни башы бла джюрюген.
- Тешигини къатында, чычхан да батыр болур.
- Окъугъан – асыу, окъумагъан – джарсыу.
- Джангыз торгъай джырламаз.
- Кёз – сюйген джерде, къол – ауругъан джерде.
- Къайтырыкъ эшигинги, къаты уруб чыкъма.
- Къулакъдан эсе, кёзге ышан.
- Гугурук къычырмаса да, тангны атары къалмаз.
- Насыблы элин сюер, насыбсыз кесин сюер.
- Намыс болмагъан джерде, насыб болмаз.
- Тиширыусуз юй – отсуз от джагъа.
- Тилсиз миллет джокъ болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тил бла келеди джыр да.
- Уллу къазанда бишген эт, чий къалмаз.
- Мухар, кеси тойса да, кёзю тоймаз.
- Бал ашаргъа сюе эсенг, чибин ургъаннга тёз.
- Бозанг болмагъан джерге, къалагъынгы сукъма.
- Ата джурт – алтын бешик.
- Бети – къучакълар, джюреги – бычакълар.
- Ётюрюкню башын керти кесер.
- Ач келгенни – тойдур, кеч келгенни – къондур.
- Къаллай салам берсенг, аллай джууаб алырса.
- Хантына кёре тузу, юйюне кёре къызы.
- Эски джаугъа ышанма.
- Ачлыкъда тары гырджын халыуадан татлы.
- Ата Джуртуму башы болмасам да, босагъасында ташы болайым.
- Къолу уллу – асыу, аягъы уллу – джарсыу.
- Байма, деб да, къууанма, джарлыма, деб да, джылама.
- Сабыр джетер муратха, сабырсыз къалыр уятха.
- Кёл – къызбай, къол – батыр.
- Къоркъакъны кёзю экили кёрюр.
- Иги джашны ышаны – аз сёлешиб, кёб тынгылар.
- Ашда уялгъан – мухар, ишде уялгъан – хомух.
- Болджал ишни бёрю ашар.
- Элиб деген, элге болушур.
Ана тилин билмеген, башха тилни къайдан билликди?
19.11.2010 20:36:39
Не бла болушургъа боллукъбуз?
|
|
|
|
19.11.2010 20:37:34
nos
Сау болугъуз. Бизни бла окъургъа излегенле, къошулугъуз! |
|
|
|
19.11.2010 23:10:24
Девушка Гор
Полностью разделяю ваше желания. Кесигизге джукъ къурасагъыз, бизге да (москвагъа) бир болушурсуз. |
|
|
|
20.11.2010 13:05:03
Я бы с удовольствием посещала бы, но так далеко Карачаевск((
|
||||
|
|
|||
Читают тему (гостей: 1)