Войти на сайт
28 Марта  2024 года

 

  • Къралынгы – душмандан, башынгы от бла суудан сакъла.
  • Зар адамны насыбы болмаз.
  • Эки къатын алгъанны къулагъы тынгнгаймаз.
  • Азыгъы аз, алгъа къабар, аты аман, алгъа чабар.
  • Акъыллы айтыр эди, акъылсыз къоймайды.
  • Этни да ашады, бетни да ашады.
  • Башланнган иш битер, къымылдагъан тиш тюшер.
  • Гугурук къычырмаса да, тангны атары къалмаз.
  • Чакъырылмагъан къонакъ къачан кетерин сормаз.
  • Юй кюйдю да, кюйюз чыкъды, ортасындан тюйюш чыкъды.
  • Ач къалгъандан, кеч къалгъан къолай.
  • Чакъырылмагъан джерге барма, чакъырылгъан джерден къалма.
  • Ашыкъгъан cуу, тенгизге джетмез.
  • Акъыллы башны – тили къысха.
  • Къыз чыгъаргъан – къызыл къымжа.
  • Ёлген эшек бёрюден къоркъмайды.
  • Иесиз малны бёрю ашар.
  • Тюзню ётмеги тюзде къалса да, тас болмаз.
  • Иги сёз – джаннга азыкъ, аман сёз башха – къазыкъ.
  • Иги адам абынса да, джангылмаз.
  • Джол бла сёзню къыйыры джокъ.
  • Чабакъгъа акъыл, табагъа тюшсе келеди.
  • Джуртун къоругъан озар.
  • Аш хазыр болса, иш харам болур.
  • Мухар, кеси тойса да, кёзю тоймаз.
  • Сёз сёзню айтдырыр.
  • Аш берме да, къаш бер.
  • Ач – эснер, ат – кишнер.
  • Эллинг бла джау болсанг да, юйюнг бла джау болма.
  • Айныгъанлы алты кюн, тогъайгъанлы тогъуз кюн.
  • Ойнай-ойнай кёз чыгъар.
  • Джолда аягъынга сакъ бол, ушакъда тилинге сакъ бол.
  • Чёбню кёлтюрсенг, тюбюнден сёз чыгъар.
  • Агъач – джерни чырайы, кийим – эрни чырайы.
  • Дженгил джетерикме деб, узун джолну къоюб, къысхасын барма.
  • Кёлю джокъну – джолу джокъ.
  • Кёб джат да, бек чаб.
  • Юре билмеген ит, къонакъ келтирир.
  • Къазанны башы ачыкъ болса, итге уят керекди.
  • Ариу сёз – джаннга азыкъ, аман сёз – башха къазыкъ.
  • Керилген да, ургъан кибикди.
  • Аман киши кеси юйюнде – къонакъ.
  • Адам сёзге тынгыла, акъыл сёзню ангыла.
  • Къарнынг бла ёч алма.
  • Келгинчи, къонакъ уялыр, келгенден сора, къонакъбай уялыр.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Тай асырагъан, атха минер.
  • Ач да бол, токъ да бол – намысынга бек бол.
  • Чабакъ башындан чирийди.
  • Бермеген къол, алмайды.

 

Страницы: 1
RSS
Ана тилин билмеген, башха тилни къайдан билликди?
 
Ана тилин билмеген, башха миллетни тилине къалай юренникди? Орус, ингилиз дагъыда башха тыш къралланы тиллерин билирге излейдиле бюгюн кёбюсю. Алай а, эм биринчиси хар бирибиз, халкъыбыз джюрютген тилни билирге борчлубуз. Ол себебден, биз, Къарачай шахарны эльбрусоидлери, къарачай-малкъар тилде ариу сёлешир, халатсыз джазар мурат бла тилни окъургъа излейбиз.
Бизге къошулургъа излегенлени сакълайбыз!
 
Не бла болушургъа боллукъбуз?
 
nos
Сау болугъуз.
Бизни бла окъургъа излегенле, къошулугъуз!
 
Тил адамланы кесини англатырга танытырга тёгерегинде болганланы билдирирге джараган затланы ем башында келеди ДЖаратылганланы ичинде сёлешген къарыуну сыйлы Аллах къуруда адам улуна бергенди Бир миллетни култюрюню ёсгени кеси тили бла байламлыды Кюлтюрню байыкъландырган тил ди Бир миллетни сёз байлыьы не есе къалган байлыгыда анга кёреди Сёз ючюн;инсаны сезими,кызганы къууаннганы шиири aдaбийаты да тилини къаруууна кёреди Тили болмаьан тюшюналган да етaлмaйды Кысхасы бла айтсакъ адамны адам етген тилди Халкъны миллет етген да АНАТИЛди
 
Девушка Гор
Полностью разделяю ваше желания. Кесигизге джукъ къурасагъыз, бизге да (москвагъа) бир болушурсуз.
 
Я бы с удовольствием посещала бы, но так далеко Карачаевск((
Страницы: 1
Читают тему (гостей: 1)

 

Написать нам