Войти на сайт
29 Марта  2024 года

 

  • Кёзню ачылгъаны – иги, ауузну джабылгъаны – иги.
  • Къайгъыны сюйген, къайгъы табар.
  • Бичгенде ашыкъма, тикгенде ашыкъ.
  • Ётюрюкчюню шагъаты – къатында.
  • Нёгер болсанг, тенг бол, тенг болмасанг, кенг бол.
  • Хар адамгъа кеси миннген тау кибик.
  • Къарт болгъан джерде, берекет болур, сабий болгъан джерде, оюн болур.
  • Джангыз торгъай джырламаз.
  • Уруну арты – къуру.
  • Хата – гитчеден.
  • Ётюрюк хапар аякъ тюбю бла джюрюйдю.
  • Джаханимни кёрмей, джандетге кёл салмазса.
  • Ач – эснер, ат – кишнер.
  • Бет бетге къараса, бет да джерге къарар.
  • Сёз садакъдан кючлюдю.
  • Байны оноуу, джарлыгъа джарамаз.
  • Тойгъан антын унутур.
  • Нёгерсизни джолу узун.
  • Сакъ юйюне сау барыр.
  • Ач бёрюге мекям джокъ.
  • Къоркъакъны кёзю экили кёрюр.
  • Рысхы джалгъанды: келген да этер, кетген да этер.
  • Къазанда болса, чолпугъа чыгъар.
  • Кесинг сынамагъан затны, адамгъа буюрма.
  • Башда акъыл болмаса, эки аякъгъа кюч джетер.
  • Ким бла джюрюсенг, аны кёзю бла кёрюнюрсе.
  • Уллу сёлешме да, уллу къаб.
  • Аш берме да, къаш бер.
  • Къыйынлы джети элни къайгъысын этер.
  • Нарт сёз къарт болмаз.
  • Кюн кёрмеген, кюн кёрсе, кюндюз чыракъ джандырыр.
  • Адеб джокъда, намыс джокъ.
  • Тёгюлген тюгел джыйылмайды.
  • Ашха уста, юйюнде болсун
  • Азыгъы аз, алгъа къабар, аты аман, алгъа чабар.
  • Кёл – къызбай, къол – батыр.
  • Окъугъан озар, окъумагъан тозар.
  • Оюмсуз атлагъан, аджалсыз ёлюр.
  • Ат басханны джер билед.
  • Аман къатын алгъан, арыр, иги къатын алгъан джарыр.
  • Хансыз джомакъ болмаз.
  • Ишлемеген – тишлемез.
  • Абынмазлыкъ аякъ джокъ, джангылмазлыкъ джаякъ джокъ.
  • Элни кючю – эмеген.
  • Билмейме деген – бир сёз
  • Айтылгъан буйрукъ, сёгюлмез
  • Келлик заман – къартлыкъ келтирир, кетген заман – джашлыкъ ёлтюрюр.
  • Шекер бла туз – бир болмаз, ушамагъан – юй болмаз.
  • Бюгюн дуния кибик, тамбла ахыратды.
  • Къобан да къуру да къобханлай турмайды, адам да къуру да патчахлай турмайды.

 

Страницы: 1
RSS
Ана тилин билмеген, башха тилни къайдан билликди?
 
Ана тилин билмеген, башха миллетни тилине къалай юренникди? Орус, ингилиз дагъыда башха тыш къралланы тиллерин билирге излейдиле бюгюн кёбюсю. Алай а, эм биринчиси хар бирибиз, халкъыбыз джюрютген тилни билирге борчлубуз. Ол себебден, биз, Къарачай шахарны эльбрусоидлери, къарачай-малкъар тилде ариу сёлешир, халатсыз джазар мурат бла тилни окъургъа излейбиз.
Бизге къошулургъа излегенлени сакълайбыз!
 
Не бла болушургъа боллукъбуз?
 
nos
Сау болугъуз.
Бизни бла окъургъа излегенле, къошулугъуз!
 
Тил адамланы кесини англатырга танытырга тёгерегинде болганланы билдирирге джараган затланы ем башында келеди ДЖаратылганланы ичинде сёлешген къарыуну сыйлы Аллах къуруда адам улуна бергенди Бир миллетни култюрюню ёсгени кеси тили бла байламлыды Кюлтюрню байыкъландырган тил ди Бир миллетни сёз байлыьы не есе къалган байлыгыда анга кёреди Сёз ючюн;инсаны сезими,кызганы къууаннганы шиири aдaбийаты да тилини къаруууна кёреди Тили болмаьан тюшюналган да етaлмaйды Кысхасы бла айтсакъ адамны адам етген тилди Халкъны миллет етген да АНАТИЛди
 
Девушка Гор
Полностью разделяю ваше желания. Кесигизге джукъ къурасагъыз, бизге да (москвагъа) бир болушурсуз.
 
Я бы с удовольствием посещала бы, но так далеко Карачаевск((
Страницы: 1
Читают тему (гостей: 1)

 

Написать нам