- Ашхы – джыяр, аман – джояр.
- Чакъырылмай келген къонакъ сыйланмай кетер.
- Джарашыу сюйген – джалынчакъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Дуния мал дунияда къалады.
- Чыкълы кюнде чыкъмагъан, чыкъса къуру кирмеген.
- Джаз бир кюнню джатсанг, къыш талай кюнню абынырса.
- Ачыу алгъа келсе, акъыл артха къалады.
- Бир абыннган – минг сюрюнюр.
- Кёл – къызбай, къол – батыр.
- Башынга джетмегенни сорма.
- Ата Джуртча джер болмаз, туугъан элча эл болмаз.
- Сормай – алма, чакъырылмай – барма.
- Азыкъ аз болса, эртде орун сал.
- Суу ичген шауданынга тюкюрме.
- Намыс сатылыб алынмайды.
- Ушамагъан – джукъмаз.
- Бал чибинни ургъаны – ачы, балы – татлы.
- Къобан да къуру да къобханлай турмайды, адам да къуру да патчахлай турмайды.
- Кюн кёрмеген, кюн кёрсе, кюндюз чыракъ джандырыр.
- Игини сыйлагъан адетди.
- Джети тилни билген джети кишиди.
- Хар зат кесини орнуна иги.
- Биреуге аманлыкъны тилеме да, кесинге ашхылыкъны тиле.
- Аджашхан тёгерек айланыр.
- Биреуню тёрюнден, кесинги эшик артынг игиди.
- Ата Джуртун танымагъан, атасын да танымаз.
- Атынг аманнга чыкъгъандан эсе, джанынг тамагъынгдан чыкъсын.
- Ханы къызы буюгъа-буюгъа киштик болду.
- Кёзюнде тереги болгъан, чёбю болгъаннга кюле эди.
- Билеги кючлю, бирни джыгъар, билими кючлю, мингни джыгъар.
- Билими азны – ауузунда кирит.
- Бети къызарыучу адамны, джюреги харам болмаз.
- Суугъа – чабакъ, къаягъа – ыргъакъ.
- Аман киши кеси юйюнде – къонакъ.
- Ачлыкъда тары гырджын халыуадан татлы.
- Ёгюзню мюйюзлери ауурлукъ этмейдиле.
- Къонакъ хазыр болгъанлыкъгъа, къонакъбай хазыр тюлдю.
- Ата Джуртуму башы болмасам да, босагъасында ташы болайым.
- Джангызны оту джарыкъ джанмаз!
- Баш болса, бёрк табылыр.
- Къарт айтханны этмеген, къартаймаз.
- Азыкълы ат арымаз, къатыны аман джарымаз.
- Ёгюзню мюйюзюнден тутадыла, адамны сёзюнден тутадыла.
- Ашхы адам – халкъ байлыгъы, ашхы джер – джашау байлыгъы.
- «Ёгюз, джаргъа джууукъ барма, меннге джюк боллукъса», - дегенди эшек.
- Артына баргъанны, къатына барма.
- Таугъа чыгъаллыкъ эсенг, тюзде къалма.
- Мал тутхан – май джалар.
- Къартны бурнун сюрт да, оноугъа тут.
Китаб джазгъанлагъа болушлукъ
|
Иги китабла джазыб, аланы чыгъаралмай тургъанланы юсюнден айтыла барса деб, ачама бу ТЕМАНЫ
|
|
|
|
|
Читают тему (гостей: 1)