Войти на сайт
25 Января  2022 года

 

  • Башынга джетмегенни сорма.
  • Биреуге аманлыкъ этиб, кесинге игилик табмазса.
  • Ишленмеклик адамлыкъды.
  • Ач уят къоймаз.
  • Чыбыкълыкъда бюгюлмеген, къазыкълыкъда бюгюлмей эди.
  • Къатын байлыкъны сюер, эр саулукъну сюер.
  • Ачлыкъда тары гырджын халыуадан татлы.
  • Чарсда алчыны эл кёреди.
  • Ишленмеген джаш – джюгенсиз ат, ишленмеген къыз – тузсуз хант.
  • Адеб этмеген, адеб кёрмез.
  • Чалманны аллы къалай башланса, арты да алай барады.
  • Окъуусуз билим – джокъ, билимсиз кюнюнг – джокъ.
  • Чёбню кёлтюрсенг, тюбюнден сёз чыгъар.
  • Чакъырылмай келген къонакъ сыйланмай кетер.
  • Чакъырылмагъан джерге барма, чакъырылгъан джерден къалма.
  • Уллу къашыкъ эрин джыртар.
  • Ауругъан – джашаудан умутчу.
  • Аджашхан тёгерек айланыр.
  • Ата Джуртча джер болмаз, туугъан элча эл болмаз.
  • Къууут – джелге, берне – бошха.
  • Чакъырылмагъан къонакъ тёрге атламаз.
  • Эм ашхы къайын ана мамукъ бла башынгы тешер.
  • Шапа кёб болса, аш татымсыз болур.
  • Эртде тургъан джылкъычыны эркек аты тай табар.
  • Иги сёз – джаннга азыкъ, аман сёз башха – къазыкъ.
  • Сёз садакъдан кючлюдю.
  • Джарлыны тону джаз битер.
  • Чомарт бергенин айтмаз.
  • Къан бла кирген, джан бла чыгъар.
  • Бермеген къол, алмайды.
  • Акъыл къартда, джашда тюйюлдю – башдады.
  • Чабакъсыз кёлге къармакъ салгъанлыкъгъа, чабакъ тутмазса.
  • Джырчы джырчыгъа – къарнаш.
  • Арбаз къынгырды да, ийнек сауалмайма.
  • Тойну къарнашы – харс, джырны къарнашы – эжиу.
  • Баш болса, бёрк табылыр.
  • Хатерли къул болур.
  • Эл ауузу – элия.
  • Хар сёзню орну барды.
  • Айырылгъанланы айю ашар, бёлюннгенлени бёрю ашар.
  • Алим болгъандан эсе, адам болгъан къыйынды.
  • Джангыз терек къынгыр ёсер.
  • Дуния мал дунияда къалады.
  • Экиндини кеч къылсанг, чабыб джетер ашхам.
  • Джаным-тиним – окъуу, билим.
  • Зарда марда джокъ.
  • Урама да – ёледи, сатама да – келеди.
  • Кёзню ачылгъаны – иги, ауузну джабылгъаны – иги.
  • Бек ашыкъгъан меннге джетсин, дегенди аракъы.
  • Бюгюн дуния кибик, тамбла ахыратды.

 

Страницы: 1
RSS
Китаб джазгъанлагъа болушлукъ
 
Иги китабла джазыб, аланы чыгъаралмай тургъанланы юсюнден айтыла барса деб, ачама бу ТЕМАНЫ
 
Светлана Алиева - къарачай-малкъар филологияны тамалын салгъан Алийланы Умарны къызы - аламат китаб джазгъанды. Китаб кёчюрюлген халкъланы тарихлеринден, бюгюнлеринден да хапар айтады.

800-чапракълыкъ китабны чыгъарыр ючюн 300 минг сом керекди. Аны ючден бирин ингуш джаны тёлегенди. Къалгъан ачха табылмай, китаб Нальчикде типографияда джатханлы талай заман.

Болушур мадары болгъан Светлана Умаровнагъа телефон бла сёлешсин неда бу е-майл бла байламлы болсун:
evalan36@mail.ru

Москвадагъыла Алиеваны кесине тюберге да боллукъдула. Халкъыбызгъа керекли китабны чыгъарыргъа болушайыкъ - ауруб тургъан авторну да кёлюн кёлтюрейик.
 
Девушка Гор
1."Келигиз, китаб джазгъанлагъа болушайыкъ" - не совсем точно.
2."Келигиз, Китабын чыгъарыргъа болушайыкъ" - так точнее.

Алай а, сени вариантынгда магъана кёбдю: алай болсун аты.
Страницы: 1
Читают тему (гостей: 1)

 

Написать нам