Войти на сайт
28 Марта  2024 года

 

  • Аманнга да, игиге да оноусуз къатышма.
  • Эртде тургъан джылкъычыны эркек аты тай табар.
  • Башы ишлегенни, ауузу да ишлер.
  • Джыгъылгъанны сырты джерден тоймаз.
  • Джашынгы кесинг юретмесенг, джашау юретир.
  • «Ма», - дегенни билмесенг, «бер», - дегенни билмезсе.
  • Чакъырылмагъан къонакъ тёрге атламаз.
  • Мен да «сен», дейме, сен да «кесим», дейсе.
  • Ётюрюк хапар аякъ тюбю бла джюрюйдю.
  • Адамны артындан къара сабан сюрме.
  • Сёз – кюмюш, джыр – алтын.
  • Тойгъа барсанг, тоюб бар, эски тонунгу къоюб бар.
  • Атынг аманнга чыкъгъандан эсе, джанынг тамагъынгдан чыкъсын.
  • Джыланны къуйругъундан басарынг келсе, аны башы болгъанын унутма.
  • Тура эдим джата, къайдан чыкъды хата?
  • Билген билмегенни юретген адетди.
  • Билим – акъылны чырагъы.
  • Намысы джокъну – дуниясы джокъ.
  • Хантына кёре тузу, юйюне кёре къызы.
  • Сууда джау джокъ, кёб сёзде магъана джокъ.
  • Хаухну атма, ёнгкючню сатма.
  • Ким бла джюрюсенг, аны кёзю бла кёрюнюрсе.
  • Адамны бетине къарама, адетине къара.
  • Тилчи бир сагъатха айлыкъ хата этер.
  • Ойнаб айтсанг да, эслеб айт.
  • Шекер бла туз – бир болмаз, ушамагъан – юй болмаз.
  • Айтылгъан буйрукъ, сёгюлмез
  • Тёзген – тёш ашар!
  • Уллу къашыкъ эрин джыртар.
  • Шапа кёб болса, аш татымсыз болур.
  • Джолунга кёре – джюрюшюнг, джагъанга кёре – юлюшюнг.
  • Сабий болмагъан джерде, мёлек болмаз.
  • Джукъу тёшек сайламайды.
  • Ётюрюкню башын керти кесер.
  • Кёрмегеннге кебек – танг, битмегеннге сакъал – танг.
  • Чабакъ башындан чирийди.
  • Тау башында, тау болмаз, джангыз терек, бау болмаз.
  • Ашхылыкъ джерде джатмайды, аманлыкъ суугъа батмайды.
  • Къобан да къуру да къобханлай турмайды, адам да къуру да патчахлай турмайды.
  • Бал чибинни ургъаны – ачы, балы – татлы.
  • Билими азны – ауузунда кирит.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Элни кючю – эмеген.
  • Адам къаллай бир ишленмесе, аллай бир кесин уллу кёреди.
  • Нафысынгы айтханын этме, намысынгы айтханын эт.
  • Кесинге джетмегенни, кёб сёлешме.
  • Аджашхан тёгерек айланыр.
  • Къонакъ кёб келюучю юйню, къазаны отдан тюшмез.
  • Алма терегинден кери кетмез.
  • Ышармагъан – кюлмез, кюлмеген – къууанчны билмез.

 

Страницы: 1
RSS
Китаб джазгъанлагъа болушлукъ
 
Иги китабла джазыб, аланы чыгъаралмай тургъанланы юсюнден айтыла барса деб, ачама бу ТЕМАНЫ
 
Светлана Алиева - къарачай-малкъар филологияны тамалын салгъан Алийланы Умарны къызы - аламат китаб джазгъанды. Китаб кёчюрюлген халкъланы тарихлеринден, бюгюнлеринден да хапар айтады.

800-чапракълыкъ китабны чыгъарыр ючюн 300 минг сом керекди. Аны ючден бирин ингуш джаны тёлегенди. Къалгъан ачха табылмай, китаб Нальчикде типографияда джатханлы талай заман.

Болушур мадары болгъан Светлана Умаровнагъа телефон бла сёлешсин неда бу е-майл бла байламлы болсун:
evalan36@mail.ru

Москвадагъыла Алиеваны кесине тюберге да боллукъдула. Халкъыбызгъа керекли китабны чыгъарыргъа болушайыкъ - ауруб тургъан авторну да кёлюн кёлтюрейик.
 
Девушка Гор
1."Келигиз, китаб джазгъанлагъа болушайыкъ" - не совсем точно.
2."Келигиз, Китабын чыгъарыргъа болушайыкъ" - так точнее.

Алай а, сени вариантынгда магъана кёбдю: алай болсун аты.
Страницы: 1
Читают тему (гостей: 1)

 

Написать нам