- Тин – байлыгъынг, терен саулугъунг.
- Иесиз малны бёрю ашар.
- Рысхы джалгъанды: келген да этер, кетген да этер.
- Келгинчи, къонакъ уялыр, келгенден сора, къонакъбай уялыр.
- Айырылгъанланы айю ашар, бёлюннгенлени бёрю ашар.
- Биреуню къыйынлыгъы бла кесинге джол ишлеме.
- Къарнынг тойгъунчу аша да, белинг талгъынчы ишле.
- Ата – билек, ана – джюрек!
- Ётюрюкден тюбю джокъ, кёлтюрюрге джиби джокъ.
- Эшекге миннген – биринчи айыб, андан джыгъылгъан – экинчи айыб.
- Джюрек кёзден алгъа кёрюр.
- Aдам боллукъ, сыфатындан белгили.
- Къаллай салам берсенг, аллай джууаб алырса.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Алтыда кюлмеген, алтмышда кюлмез.
- Окъдан джара эртде-кеч болса да бителир, сёз джара, ёмюрге къалыр.
- Тенгинг джокъ эсе – изле, бар эсе – сакъла!
- Тау башында, тау болмаз, джангыз терек, бау болмаз.
- Тынгылагъан тынгы бузар.
- Эринчекни эр алмаз, эр алса да, кёл салмаз, кёл салса да, кёб бармаз!
- Таукелге нюр джауар.
- Тамырсыз терекге таянма – джыгъылырса.
- Аджал соруб келмез, келсе, къайтыб кетмез.
- Сёз сёзню айтдырыр.
- Ётюрюкчюню шагъаты – къатында.
- Шекер бла туз – бир болмаз, ушамагъан – юй болмаз.
- Ашхылыкъ джерде джатмайды, аманлыкъ суугъа батмайды.
- Чабакъгъа акъыл, табагъа тюшсе келеди.
- Дженгил джетерикме деб, узун джолну къоюб, къысхасын барма.
- Ашын ашагъанынгы, башын да сыйла.
- Айырылмаз джууугъунга, унутмаз сёзню айтма.
- Юйлю уругъа ит чабмаз.
- Олтуруб кёрюнмей эди да, ёрге туруб кёрюне эди.
- Тюзню ётмеги тюзде къалса да, тас болмаз.
- Хаухну атма, ёнгкючню сатма.
- Киштикге къанат битсе, чыпчыкъ къалмаз эди.
- Ач бёрюге мекям джокъ.
- Ишни аллы бла къууанма да, арты бла къууан.
- Кёб ант этген, кёб ётюрюк айтыр.
- Телиге от эт десенг, юйюнге от салыр.
- Билимли ёлмез, билимсиз кёрмез.
- Магъанасыз сёз – тауушсуз сыбызгъы.
- Къарны аманнга къазан такъдырма, къолу аманнга от джакъдырма.
- Минг тенг да азды, бир джау да кёбдю.
- Ётюрюк хапар аякъ тюбю бла джюрюйдю.
- Ашлыкъ – бюртюкден, джюн – тюкден.
- Суу да къайтады чыкъгъан джерине.
- Аз сёлеш, кёб ишле.
- Адам сёзюнден белгили.
- Ёзденликни кёбю ётюрюк.
ана тилибизни байлыгъы, ариулугъу, теренлиги...
|
швондер
 Бек аламат алгъыш! |
|
|
|
|
|
Посмотрите, какие удивительные выражения встречаются в нашем языке:
кетиб къалдым къалыб кетдим  |
|
|
|
|
|
"Гыбыр" бла "гыдыр" деген сёзчюклени магъанасы не ди?
|
|
|
|
|
|
Гыбыр деб, гынтылы адамгъа айтадыла, адам бла бир тил табмагъан, кеси кесича, грубый, неуживчивый.
Гыдыр деб а уа къысха иги ёсмеген. |
||||
|
|
|
|||
Читают тему (гостей: 1)