- Ётюрюкню башын керти кесер.
- Джаралыны джастыгъында сау ёлюр.
- Тас болгъан бычакъны сабы – алтын.
- Аманнга игилик этсенг, юйюнге сау бармазса.
- Экеу тутушса, биреу джыгъылыр.
- Окъ къызбайны джокълайды.
- Кёбню кёрген – кёб билир.
- Ашхылыкъ джерде джатмайды, аманлыкъ суугъа батмайды.
- Аш иеси бла татлыды.
- Тау башында, тау болмаз, джангыз терек, бау болмаз.
- Айтхан – тынч, этген – къыйын.
- Кёб джат да, бек чаб.
- Ачыкъ джюрекге джол – ачыкъ.
- Ёлюр джаннга, ёкюл джокъ.
- Чабар ат – джетген къыз.
- Тамбла алтындан бюгюн багъыр ашхы.
- Айтхан сёзюне табылгъан.
- Таш бла ургъанны, аш бла ур.
- Сыфатында болмагъаны, суратында болмаз.
- Аш берме да, къаш бер.
- Алтыда кюлмеген, алтмышда кюлмез.
- Кимни – тили, тиши онглу, кимни – къолу, иши онглу.
- Адамны сыфатына къарама, сёзюне къара.
- Ашхы – джыяр, аман – джояр.
- Къонакъны къачан кетерин сорма, къачан келлигин сор.
- Ашлыкъны арба юйге келтирир, чана базаргъа элтир.
- Гугурук къычырмаса да, тангны атары къалмаз.
- Магъанасыз сёз – тауушсуз сыбызгъы.
- Эки элинги тыйсанг, джети элде махталырса.
- Къарт айтханны этмеген, къартаймаз.
- Къарнынг тойгъунчу аша да, белинг талгъынчы ишле.
- Мадар болса, къадар болур.
- Биреуню тёрюнден, кесинги эшик артынг игиди.
- Окъугъан озар, окъумагъан тозар.
- Тин – байлыгъынг, терен саулугъунг.
- Иги джашны ышаны – аз сёлешиб, кёб тынгылар.
- Нафысынгы айтханын этме, намысынгы айтханын эт.
- Айтханы чапыракъдан ётмеген.
- Ариу сёз – джаннга азыкъ, аман сёз – башха къазыкъ.
- Нёгер болсанг, тенг бол, тенг болмасанг, кенг бол.
- Билим насыб берир, билим джолну керир.
- Тил джюрекге джол ишлейди.
- Татлы тилде – сёз ариу, чемер къолда – иш ариу.
- Тили узунну, намысы – къысха.
- Юйюнг бла джау болгъандан эсе, элинг бла джау бол.
- Къарнынг ауруса, ауузунгу тый
- Джогъун бар этген, барын бал этген.
- Мухардан ач ычхынмаз.
- Джиби бир къат джетмей эди да, эки къат тарта эди.
- Суу кетер, таш къалыр.
ана тилибизни байлыгъы, ариулугъу, теренлиги...
07.06.2010 00:54:40
швондер
Бек аламат алгъыш! |
|
|
|
05.11.2010 14:12:29
Посмотрите, какие удивительные выражения встречаются в нашем языке:
кетиб къалдым къалыб кетдим |
|
|
|
13.08.2011 02:38:09
"Гыбыр" бла "гыдыр" деген сёзчюклени магъанасы не ди?
|
|
|
|
13.08.2011 03:23:25
Гыбыр деб, гынтылы адамгъа айтадыла, адам бла бир тил табмагъан, кеси кесича, грубый, неуживчивый.
Гыдыр деб а уа къысха иги ёсмеген. |
||||
|
|
|||
Читают тему (гостей: 1)