- Насыб бютеу халкъны юлюшюдю.
- Эм уллу байлыкъ – джан саулукъ.
- Адамны аманы адамны бети бла ойнар.
- Телиге от эт десенг, юйюнге от салыр.
- Терек ауса, отунчу – кёб.
- Адебсиз адам – джюгенсиз ат.
- Сангырау къулакъ эл бузар.
- Къазанчы аман болса, къазаны къайнамаз.
- Мени джылытмагъан кюн, меннге тиймесин!
- Къазанны башы ачыкъ болса, итге уят керекди.
- Къарнынг бла ёч алма.
- Адамны аты башхача, акъылы да башхады.
- Адеб базарда сатылмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Къайгъы тюбю – тенгиз.
- Сютден ауузу кюйген, суугъа юфгюре эди.
- Биреуню тёрюнден, кесинги эшик артынг игиди.
- Аманнга алтын чыдамаз.
- Кюн – узун, ёмюр – къысха.
- Адеб этмеген, адеб кёрмез.
- Татлы тилде – сёз ариу, чемер къолда – иш ариу.
- Халкъны юйю – туугъан джери.
- Ариу сёз – джаннга азыкъ, аман сёз – башха къазыкъ.
- Бюгюн дуния кибик, тамбла ахыратды.
- Азыкълы ат арымаз, къатыны аман джарымаз.
- Чомарт къонакъ юй иесин сыйлар.
- Магъанасыз сёз – тауушсуз сыбызгъы.
- Бети къызарыучу адамны, джюреги харам болмаз.
- Аджал соруб келмез, келсе, къайтыб кетмез.
- Элиб деген, элге болушур.
- Къалгъан ишге къар джауар.
- Окъугъан – асыу, окъумагъан – джарсыу.
- Кёлю джокъну – джолу джокъ.
- Ата Джуртуму башы болмасам да, босагъасында ташы болайым.
- Ауругъанны сау билмез, ач къарынны токъ билмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Биреуге аманлыкъ этиб, кесинге игилик табмазса.
- Ханнга да келеди хариблик.
- Къайгъыны сюйген, къайгъы табар.
- Чомарт джарлы болмаз.
- Кирсизни – саны таза, халалны – къаны таза.
- Ашына кёре табагъы, балына кёре къалагъы.
- Джаш къарыу бла кючлю, къарт акъыл бла кючлю.
- Онгсузну – джакъла, тенгликни – сакъла.
- Эшекге миннген – биринчи айыб, андан джыгъылгъан – экинчи айыб.
- Тилчи тилден къаныкъмаз.
- Бал чибинни ургъаны – ачы, балы – татлы.
- Сакъ юйюне сау барыр.
- Джарлыны тону джаз битер.
- Арбаз къынгырды да, ийнек сауалмайма.
ана тилибизни байлыгъы, ариулугъу, теренлиги...
|
швондер
 Бек аламат алгъыш! |
|
|
|
|
|
Посмотрите, какие удивительные выражения встречаются в нашем языке:
кетиб къалдым къалыб кетдим  |
|
|
|
|
|
"Гыбыр" бла "гыдыр" деген сёзчюклени магъанасы не ди?
|
|
|
|
|
|
Гыбыр деб, гынтылы адамгъа айтадыла, адам бла бир тил табмагъан, кеси кесича, грубый, неуживчивый.
Гыдыр деб а уа къысха иги ёсмеген. |
||||
|
|
|
|||
Читают тему (гостей: 1)