- Ач бёрюге мекям джокъ.
- Атлыны ашхысы, ат тизгининден билинир
- Эл элде бирер малынг болгъандан эсе, бирер тенгинг болсун.
- Акъыл къартда, джашда тюйюлдю – башдады.
- Айныгъанлы алты кюн, тогъайгъанлы тогъуз кюн.
- Билмегенинги, билгеннге сор.
- Чабакъсыз кёлге къармакъ салгъанлыкъгъа, чабакъ тутмазса.
- Чакъырылмагъан къонакъ – орунсуз.
- Адам боллукъ, атламындан белгили болур.
- Иесиз малны бёрю ашар.
- Юй ишлеген балта эшикде къалыр.
- Билими азны – ауузунда кирит.
- Джашны джигитлиги сорулур, къызны джигерлиги сорулур.
- Керти сёзге тёре джокъ.
- Тойгъан джерден туугъан джер игиди.
- Эринчекни эр алмаз, эр алса да, кёл салмаз, кёл салса да, кёб бармаз!
- Намыс сатылыб алынмайды.
- Чыбыкълыкъда бюгюлмеген, къазыкълыкъда бюгюлмей эди.
- Чыкълы кюнде чыкъмагъан, чыкъса къуру кирмеген.
- Ашлыкъны арба юйге келтирир, чана базаргъа элтир.
- Айранны сюйген, ийнек тутар.
- Танг атмайма десе да, кюн къоярыкъ тюйюлдю.
- Сакъ юйюне сау барыр.
- Тура эдим джата, къайдан чыкъды хата?
- Ашаса, ашамаса да, бёрюню ауузу – къан.
- Чоюнну башы ачыкъ болса, итге уят керекди.
- Байлыкъдан саулукъ ашхыды.
- Аз айтсам, кёб ангылагъыз.
- Соргъан айыб тюлдю, билмеген айыбды.
- Тас болгъан бычакъны сабы – алтын.
- Сёз къанатсыз учар.
- Къызын тута билмеген, тул этер, джашын тута билмеген, къул этер.
- Ишленмеклик адамлыкъды.
- Уллу суу бла уллу ауруудан башынгы сакъла.
- Хар адамгъа кеси миннген тау кибик.
- Къарнынг тойгъунчу аша да, белинг талгъынчы ишле.
- Айранын берсенг, челегин да къызгъанма.
- Шайтан алдады, тюзлюк къаргъады.
- Билимли ёлмез, билимсиз кёрмез.
- Экеу тутушса, биреу джыгъылыр.
- Чакъырылгъанны аты, чакъырылмагъанны багъасы болур.
- Кёб джат да, бек чаб.
- Къыз чыгъаргъан – къызыл къымжа.
- Джюрекге ариу – кёзге да ариу.
- Ётген ёмюр – акъгъан суу.
- Ишлерге уял да, ашаргъа табма.
- Аз сёлешген, къайгъысыз турур.
- Иги болса, тамадама – махтау, аман болса, меннге – айыб.
- Бал ашаргъа сюе эсенг, чибин ургъаннга тёз.
- Къарны аманнга къазан такъдырма, къолу аманнга от джакъдырма.
бахсанда солуу юйлени аукционгъа саладыла..
|
пелиуан
Къайдан эшитгенсе аллай хапарланы? Ол кертими алайды, огъесе адамланы ичинде айланган хапармыды? |
|
|
|
|
Читают тему (гостей: 1)