- Билимсиз иш бармаз.
- Гугурук къычырмаса да, тангны атары къалмаз.
- Джылар джаш, атасыны сакъалы бла ойнар.
- Сагъышы джокъ – джукъучу, акъылы джокъ – къаугъачы.
- Бети къызарыучу адамны, джюреги харам болмаз.
- Орну джокъну – сыйы джокъ.
- Ачыу алгъа келсе, акъыл артха къалады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Атынг аманнга чыкъгъандан эсе, джанынг тамагъынгдан чыкъсын.
- Юйлю уругъа ит чабмаз.
- Къалгъан ишге къар джауар.
- Тешик этген тынчды, аны джамагъан къыйынды.
- Ашхы тенг джолгъа салыр, аман тенг джолдан тайдырыр.
- Чалманны аллы къалай башланса, арты да алай барады.
- Ана къойну – балагъа джандет.
- Эл ауузу – элия.
- Сабыр джетер муратха, сабырсыз къалыр уятха.
- Тёзгеннге, джабылгъан эшик ачылыр.
- Бет бетге къараса, бет да джерге къарар.
- Къыз келсе, джумуш эте келеди, къатын келсе, ушакъ эте келеди.
- Эки къатын алгъан – эки ташны ортасына башын салгъан.
- Ауругъаннга – кийик саулукъ, джетген къызгъа – чилле джаулукъ.
- Адебни адебсизден юрен.
- Иши джокъну, сыйы джокъ.
- Аз сёлешген, къайгъысыз турур.
- Асхат ашлыкъ сата, юйдегиси ачдан къата.
- Аман къатын алгъан, арыр, иги къатын алгъан джарыр.
- Чомарт джарлы болмаз.
- Тойгъан антын унутур.
- Башда акъыл болмаса, эки аякъгъа кюч джетер.
- Тёрдеги кюлсе, эшикдеги ышарыр.
- Мураты болгъанны джюрек тебюую башхады.
- Чакъырылгъанны аты, чакъырылмагъанны багъасы болур.
- Окъумагъан сокъурду, сокъур ташха абыныр!
- Къозулугъунда тоймагъан, къойлугъунда тоймаз.
- Ёлюк кебинсиз къалмаз.
- Ушамагъан – джукъмаз.
- Ана – юйню кюн джарыгъы.
- Термилгенинги табмазса, кюлгенинге тюберсе.
- Огъурлуну сёзю – суу, огъурсузну сёзю – уу.
- Сёз садакъдан кючлюдю.
- Эр абынмай, эл танымаз.
- Чомартха хар кюн да байрамды.
- Игини сыйлагъан адетди.
- Къыз тиширыу кеси юйюнде да къонакъды.
- Ашда – бёрю, ишде – ёлю.
- Къызын тута билмеген, тул этер, джашын тута билмеген, къул этер.
- Къаллай салам берсенг, аллай джууаб алырса.
- Тынгылагъан тынгы бузар.
- Ёмюрлюк шохлукъну джел элтмез.
бахсанда солуу юйлени аукционгъа саладыла..
|
пелиуан
Къайдан эшитгенсе аллай хапарланы? Ол кертими алайды, огъесе адамланы ичинде айланган хапармыды? |
|
|
|
|
Читают тему (гостей: 1)