- Ач уят къоймаз.
- Урама да – ёледи, сатама да – келеди.
- Акъыл аздырмаз, билим тоздурмаз.
- Къатыны харакетли болса, эри къымсыз болур.
- Ауузу аманнга «иги», деме.
- Эркишиге тары кебек танг кёрюнюр.
- Къонагъынгы артмагъын алма да, алгъышын ал.
- Мен да «сен», дейме, сен да «кесим», дейсе.
- Кийиминг бла танылма, адамлыкъ бла таныл.
- Иги сеники эсе да, сюйген кесимикин этеме.
- Уллу суу бла уллу ауруудан башынгы сакъла.
- Чабакъгъа акъыл, табагъа тюшсе келеди.
- Ишлегенден, къарагъан уста.
- Тюзню ётмеги тюзде къалса да, тас болмаз.
- Зарда марда джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Къонакъ аман болса, къонакъбай джунчур
- Байдан умут эте, джарлыдан ёгюз багъасы къорады.
- Къуру гыбыт бек дыгъырдар.
- Тёрдеги кюлсе, эшикдеги ышарыр.
- Къарнынг ауруса, ауузунгу тый
- Аман къатын алгъан, арыр, иги къатын алгъан джарыр.
- Джарлы джети элни сёзюн этер.
- Ана кёлю – балада, бала кёлю – талада.
- Юй ишлеген балта эшикде къалыр.
- Ашхы атаны – джашы ашхы, ашхы ананы – къызы ашхы.
- Джылар джаш, атасыны сакъалы бла ойнар.
- Aдам боллукъ, сыфатындан белгили.
- Ёнгкюч къууана барыр, джылай келир.
- Ашаса, ашамаса да, бёрюню ауузу – къан.
- Ариуну – ауруу кёб.
- Чомартны къолу берекет.
- Акъыллы айтыр эди, акъылсыз къоймайды.
- Нёгер болсанг, тенг бол, тенг болмасанг, кенг бол.
- Байлыкъ болгъан джерде, тынчлыкъ джокъду.
- Къатын байлыкъны сюер, эр саулукъну сюер.
- Къыз тиширыу кеси юйюнде да къонакъды.
- Уясында не кёрсе, учханында аны этер.
- Таула не мийик болсала да, аууш табылыр.
- Суу кетер, таш къалыр.
- Ашхылыкъ джерде джатмайды, аманлыкъ суугъа батмайды.
- Рысхы джалгъанды: келген да этер, кетген да этер.
- Уллу айтханны этмеген – уллаймаз.
- Аман эсирсе, юйюн ояр.
- Аш хазыр болса, иш харам болур.
- Ашын ашагъанынгы, башын да сыйла.
- Кюл тюбюндеги от кёрюнмейди.
- Аман хансны – урлугъу кёб.
- Сагъышы джокъ – джукъучу, акъылы джокъ – къаугъачы.
- Къарт айтханны этмеген, къартаймаз.
бахсанда солуу юйлени аукционгъа саладыла..
|
пелиуан
Къайдан эшитгенсе аллай хапарланы? Ол кертими алайды, огъесе адамланы ичинде айланган хапармыды? |
|
|
|
|
Читают тему (гостей: 1)