- Артына баргъанны, къатына барма.
- Тюз сёз баргъан сууну тыяр.
- Кийим тукъум сордурур.
- Къар – келтирди, суу – элтди.
- Иги – алгъыш этер, аман – къаргъыш этер.
- Сютню башын джалагъан къутулур, тюбюн ичген тутулур.
- Къралынгы – душмандан, башынгы от бла суудан сакъла.
- Айтылгъан буйрукъ, сёгюлмез
- Эшекни не къадар тюйсенг да, ат болмаз.
- Окъумагъан сокъурду, сокъур ташха абыныр!
- Акъыл къартда, джашда тюйюлдю – башдады.
- Джеринден айырылгъан – джети джылар, джуртундан айырылгъан – ёлгюнчю джылар.
- Айырылгъанланы айю ашар, бёлюннгенлени бёрю ашар.
- Адам къыйынлыгъын кёлтюрюр, зауукълугъун кёлтюрмез.
- Джашынгы кесинг юретмесенг, джашау юретир.
- Тёрени джагъы джокъ.
- Чыбыкълыкъда бюгюлмеген, къазыкълыкъда бюгюлмей эди.
- Башда акъыл болмаса, эки аякъгъа кюч джетер.
- Ашхы болсанг, атынг чыгъар, аман болсанг, джанынг чыгъар.
- Ана – юйню кюн джарыгъы.
- Эл элде бирер малынг болгъандан эсе, бирер тенгинг болсун.
- Билим къая тешер.
- Баш – акъыл ючюн, акъылман – халкъ ючюн.
- Ач къалгъандан, кеч къалгъан къолай.
- Ата джурт – алтын бешик.
- Тюзлюк шохлукъну бегитир.
- Аман къатын алгъан, арыр, иги къатын алгъан джарыр.
- Магъанасыз сёз – тауушсуз сыбызгъы.
- Ариу сёз – къылычдан джити.
- Тели турса – той бузар.
- Тау башында, тау болмаз, джангыз терек, бау болмаз.
- Джылар джаш, атасыны сакъалы бла ойнар.
- Мен да «сен», дейме, сен да «кесим», дейсе.
- Аман адам элни бир-бирине джау этер.
- Джарлы джети элни сёзюн этер.
- Таукел адам тау тешер.
- Нафысынгы айтханын этме, намысынгы айтханын эт.
- Керилген да, ургъан кибикди.
- Сёлеш деб шай берген, тохта деб, сом берген.
- Кесине оноу эте билмеген, халкъына да эте билмез.
- Душманны тышы – акъ, ичи – къара.
- Тил – миллетни джаны.
- Иги сёз – джаннга азыкъ, аман сёз башха – къазыкъ.
- Уллу атлама – абынырса, уллу къабма – къарылырса.
- Бойнуму джети джерден кессенг да, мен ол ишни этеллик тюлме.
- Сютден ауузу кюйген, суугъа юфгюре эди.
- Джаз бир кюнню джатсанг, къыш талай кюнню абынырса.
- Алма терегинден кери кетмез.
- Айранны сюйген, ийнек тутар.
- Биреуге аманлыкъны тилеме да, кесинге ашхылыкъны тиле.
бахсанда солуу юйлени аукционгъа саладыла..
|
пелиуан
Къайдан эшитгенсе аллай хапарланы? Ол кертими алайды, огъесе адамланы ичинде айланган хапармыды? |
|
|
|
|
Читают тему (гостей: 1)