- Аууздан келген, къолдан келсе, ким да патчах болур эди.
- Акъыл къартда, джашда тюйюлдю – башдады.
- Юйлю уругъа ит чабмаз.
- Бозаны арты дауур болур.
- Джылар джаш, атасыны сакъалы бла ойнар.
- Элге къуллукъ этмеген, элге ие болмаз.
- Акъыл неден да кючлюдю.
- Тау башында, тау болмаз, джангыз терек, бау болмаз.
- Артына баргъанны, къатына барма.
- Ишленмеклик адамлыкъды.
- Ауругъан – джашаудан умутчу.
- Агъач – джерни чырайы, кийим – эрни чырайы.
- Аджашхан тёгерек айланыр.
- Харам къарнашдан, халал тенг ашхы.
- Чёбню кёлтюрсенг, тюбюнден сёз чыгъар.
- Сакъалы текени да бар, мыйыгъы киштикни да бар.
- Аякъларынгы джууургъанынга кёре узат.
- Эрине къаргъыш этген къатын, эрнин къабар.
- Тамбла алтындан бюгюн багъыр ашхы.
- Къатын къылыкъсыз, эр тынчлыкъсыз.
- Иги – алгъыш этер, аман – къаргъыш этер.
- Гугук кесини атын айтыб къычыргъанча, мен, мен деб нек тураса?
- Джолунга кёре – джюрюшюнг, джагъанга кёре – юлюшюнг.
- Сибиртки да сыйлы болду, кюрек да кюнлю болду.
- Джюрек кёзден алгъа кёрюр.
- Байлыкъдан саулукъ ашхыды.
- Билим ат болуб да чабар, къуш болуб да учар.
- Билимли ёлмез, билимсиз кёрмез.
- Тилчи бир сагъатха айлыкъ хата этер.
- Арбаз къынгырды да, ийнек сауалмайма.
- Аманны эки битли тону болур, бирин сеннге кийдирир, бирин кеси киер.
- Къызны минг тилер, бир алыр.
- Алгъанда – джууукъ, бергенде – джау.
- Сёз сёзню айтдырыр.
- Кёб джат да, бек чаб.
- Ишин билген, аны сыйын чыгъарады.
- Джеринден айырылгъан – джети джылар, джуртундан айырылгъан – ёлгюнчю джылар.
- Къатыны харакетли болса, эри къымсыз болур.
- Мен да «сен», дейме, сен да «кесим», дейсе.
- Орундукъ тюбюнде атылсам да, орта джиликме, де да айлан.
- Тешигини къатында, чычхан да батыр болур.
- Мал тутхан – май джалар.
- Аман хансны – урлугъу кёб.
- Айыбны суу бла джууалмазса.
- Акъыл сабырлыкъ берир.
- Тыш элде солтан болгъандан эсе, кесинги элде олтан болгъан игиди!
- Ёпкелегенни ашы татлы болады.
- Алтыда кюлмеген, алтмышда кюлмез.
- Биреуге кёлтюрген таягъынг, кесинги башынга урур.
- Сескекли кесин билдирир.
бахсанда солуу юйлени аукционгъа саладыла..
|
пелиуан
Къайдан эшитгенсе аллай хапарланы? Ол кертими алайды, огъесе адамланы ичинде айланган хапармыды? |
|
|
|
|
Читают тему (гостей: 1)