- Ишин билген, аны сыйын чыгъарады.
- Къайтырыкъ эшигинги, къаты уруб чыкъма.
- Эринчекге кюн узун.
- Билим – акъылны чырагъы.
- Аз сёлешген, къайгъысыз турур.
- Айныгъанлы алты кюн, тогъайгъанлы тогъуз кюн.
- Ханнга да келеди хариблик.
- Махтаннган къыз, тойда джукълар.
- Тешигини къатында, чычхан да батыр болур.
- Намыс сатылыб алынмайды.
- Башы ишлегенни, ауузу да ишлер.
- Мадар болса, къадар болур.
- Къолу уллу – асыу, аягъы уллу – джарсыу.
- Бек анасы джыламаз.
- Къуллукъчума, деб махтанма, къуллукъ – хаух джамчыды!
- Шайтан алдады, тюзлюк къаргъады.
- Арба аугъандан сора, джол кёргюзтюучю кёб болур.
- Кёб ант этген, кёб ётюрюк айтыр.
- Аш кетер да бет къалыр.
- Тешик этген тынчды, аны джамагъан къыйынды.
- Бал чибинни ургъаны – ачы, балы – татлы.
- Тилчи бир сагъатха айлыкъ хата этер.
- Билим насыб берир, билим джолну керир.
- Эшекге миннген – биринчи айыб, андан джыгъылгъан – экинчи айыб.
- Атлыны кёрсе, джаяуну буту талыр.
- Чомарт джарлы болмаз.
- Ариуну – ауруу кёб.
- Сангырау къулакъ эл бузар.
- Акъыллы башны – тили къысха.
- Айтхан – тынч, этген – къыйын.
- Тойгъа барсанг, тоюб бар, эски тонунгу къоюб бар.
- Малны кют, джерни тюрт.
- Къыз тиширыу кеси юйюнде да къонакъды.
- Кёлю джокъну – джолу джокъ.
- Ашхы сёз таш тешер.
- Урама да – ёледи, сатама да – келеди.
- Биреуню къыйынлыгъы бла кесинге джол ишлеме.
- Нарт сёз къарт болмаз.
- Джумушакъ терекни къурт ашар.
- Кёл ашады да, кеси ашады.
- Биреу къой излей, биреу той излей.
- Кесине гебен этелмеген, биреуге черен эте эди.
- Хаухну атма, ёнгкючню сатма.
- Ёлген аслан – сау чычхан.
- «Ма», - дегенни билмесенг, «бер», - дегенни билмезсе.
- Джылыгъа джылан илешир.
- Ат да турмайды бир териде.
- Аман хансны – урлугъу кёб.
- Зар адамны насыбы болмаз.
- Рысхысына кёре, джаш ёсер, къышлыгъына кёре, мал ёсер.
бахсанда солуу юйлени аукционгъа саладыла..
|
пелиуан
Къайдан эшитгенсе аллай хапарланы? Ол кертими алайды, огъесе адамланы ичинде айланган хапармыды? |
|
|
|
|
Читают тему (гостей: 1)