- Сууда джау джокъ, кёб сёзде магъана джокъ.
- Ётюрюкден тюбю джокъ, кёлтюрюрге джиби джокъ.
- Къызгъанчдан ычхыныр, мухардан ычхынмаз.
- Битмегеннге сакъал – танг.
- Сёз къанатсыз учар.
- Эм ашхы къайын ана мамукъ бла башынгы тешер.
- Кютгени беш эчки, сызгъыргъаны уа, джерни джарады.
- Сабий кёргенин унутмаз.
- Билим насыб берир, билим джолну керир.
- Къонакъ аман болса, къонакъбай джунчур
- Кюл тюбюндеги от кёрюнмейди.
- Насыблы элин сюер, насыбсыз кесин сюер.
- Акъыллы эркиши атын махтар, акъылсыз эркиши къатынын махтар.
- Кёзню ачылгъаны – иги, ауузну джабылгъаны – иги.
- Кёб къычыргъандан – къоркъма, тынч олтургъандан – къоркъ.
- Ишни аллы бла къууанма да, арты бла къууан.
- Алим болгъандан эсе, адам болгъан къыйынды.
- Биреу ашаб къутулур, биреу джалаб тутулур.
- Харам къарнашдан, халал тенг ашхы.
- Чомартны къолу берекет.
- Кимни – тили, тиши онглу, кимни – къолу, иши онглу.
- Къыз тиширыу кеси юйюнде да къонакъды.
- Огъурлуну сёзю – суу, огъурсузну сёзю – уу.
- Арбаз къынгырды да, ийнек сауалмайма.
- Тура эдим джата, къайдан чыкъды хата?
- Мал тутхан – май джалар.
- Бир онгсуз адам адет чыгъарды, деб эштирик тюлсе.
- Ётюрюк хапар аякъ тюбю бла джюрюйдю.
- Джауумдан сора, кюн кюйдюрюр, ётюрюкден сора, айыб кюйдюрюр.
- Акъыл аздырмаз, билим тоздурмаз.
- Баш – акъыл ючюн, акъылман – халкъ ючюн.
- Соргъан айыб тюлдю, билмеген айыбды.
- Айныгъанлы алты кюн, тогъайгъанлы тогъуз кюн.
- Чакъырылмагъан къонакъ – орунсуз.
- Окъугъан – асыу, окъумагъан – джарсыу.
- Бир абыннган – минг сюрюнюр.
- Къонакъ аз олтурур, кёб сынар.
- Адамны бетине къарама, адетине къара.
- Билимли ёлмез, билимсиз кёрмез.
- Кёб джашагъан – кёб билир.
- Ауурну тюбю бла, дженгилни башы бла джюрюген.
- Тилчи бир сагъатха айлыкъ хата этер.
- Джылар джаш, атасыны сакъалы бла ойнар.
- Джарлы эскисин джамаса, къууаныр.
- Бойнуму джети джерден кессенг да, мен ол ишни этеллик тюлме.
- Тёрдеги кюлсе, эшикдеги ышарыр.
- Артына баргъанны, къатына барма.
- Рысхы – насыбха къор.
- Айранын берсенг, челегин да къызгъанма.
- Къалгъан ишге къар джауар.
бахсанда солуу юйлени аукционгъа саладыла..
23.01.2009 15:43:15
пелиуан
Къайдан эшитгенсе аллай хапарланы? Ол кертими алайды, огъесе адамланы ичинде айланган хапармыды? |
|
|
|
Читают тему (гостей: 1)