- Ач къарным, тынч къулагъым.
- Ким бла джюрюсенг, аны кёзю бла кёрюнюрсе.
- Къатын къылыкъсыз, эр тынчлыкъсыз.
- Сормай – алма, чакъырылмай – барма.
- Адебни адебсизден юрен.
- Джарлы эскисин джамаса, къууаныр.
- Хазыр ашха – терен къашыкъ.
- Битмегеннге сакъал – танг.
- Шекер бла туз – бир болмаз, ушамагъан – юй болмаз.
- Ариу – кёзге, акъыл – джюрекге.
- Сыфатында болмагъаны, суратында болмаз.
- Иги адам абынса да, джангылмаз.
- Ач да бол, токъ да бол – намысынга бек бол.
- Нафысынгы айтханын этме, намысынгы айтханын эт.
- Зар адам ашынгы ашар, кесинги сатар.
- Ауругъаннга – кийик саулукъ, джетген къызгъа – чилле джаулукъ.
- Тура эдим джата, къайдан чыкъды хата?
- Бюгюн дуния кибик, тамбла ахыратды.
- Эки ойлашыб, бир сёлешген.
- Кюлме джашха – келир башха.
- Эте билген, этген этеди, эте билмеген, юретген этеди!
- Джигер – джаннга къыйынлыкъ.
- Ёпкелегенни ашы татлы болады.
- Тил – миллетни джаны.
- Ауругъанны сау билмез, ач къарынны токъ билмез.
- Кёбден умут этиб, аздан къуру къалма.
- Айтхан – тынч, этген – къыйын.
- Джарлы тюеге минсе да, ит къабар.
- Кёл – къызбай, къол – батыр.
- Адам боллукъ, атламындан белгили болур.
- Накъырда – кертини келечиси.
- Орну джокъну – сыйы джокъ.
- Эртде тургъан бла эртде юйленнген сокъуранмаз.
- Къартха ушагъан джаш – акъыллы, джашха ушагъан къарт – тели.
- Тилчи тилден къаныкъмаз.
- Адам къаллай бир ишленмесе, аллай бир кесин уллу кёреди.
- Керти сёзге тёре джокъ.
- Къонакъ хазыр болгъанлыкъгъа, къонакъбай хазыр тюлдю.
- Эм уллу байлыкъ – джан саулукъ.
- Байлыкъ келсе, акъыл кетер.
- Тенгни тенглиги джашай барсанг билинир.
- Ишлемеген – тишлемез.
- Насыб бютеу халкъны юлюшюдю.
- Ашын ашагъанынгы, башын да сыйла.
- Хата – гитчеден.
- Тил – кесген бычакъ, сёз – атылгъан окъ.
- Кирсизни – саны таза, халалны – къаны таза.
- Эркиши – от, тиширыу – суу.
- Этни бети бла шорпасы.
- Аякъларынгы джууургъанынга кёре узат.
Билялу Аппаеву - 70 лет!
|
Билял Аппаев, автор первого детективного романа на карачаевском языке ?Первая любовь?, которая вышла в свет в 1973 году и стала явлением в карачаевской литературе!
 |
|
|
|
|
 Узакъ ёмюрлю болсун!  |
|
|
|
|
|
узакъ ёмюрлю болсун! Передачаны кёрдюм телевизорда, а наша Софикошка -ведущая!
 |
|
|
|
|
Читают тему (гостей: 1)