- Илму – джашауну джолу.
- Мен да «сен», дейме, сен да «кесим», дейсе.
- Эли джокъну – кёлю джокъ.
- Къатын байлыкъны сюер, эр саулукъну сюер.
- Ауругъан – джашаудан умутчу.
- Тамбла алтындан бюгюн багъыр ашхы.
- Джашда акъыл джокъ, къартда къарыу джокъ.
- Ётюрюк хапар аякъ тюбю бла джюрюйдю.
- Ойнай билмеген, уруб къачар.
- Эл элде бирер малынг болгъандан эсе, бирер тенгинг болсун.
- Баш – акъыл ючюн, акъылман – халкъ ючюн.
- Иги сёз – джаннга азыкъ, аман сёз башха – къазыкъ.
- Аджалсыз ёлюм болмаз.
- Суу ичген шауданынга тюкюрме.
- Алим болгъандан эсе, адам болгъан къыйынды.
- Этни бети бла шорпасы.
- Мени джылытмагъан кюн, меннге тиймесин!
- Аманнга да, игиге да оноусуз къатышма.
- Узун джолну барсанг, бюгюн келирсе, къысха джолну барсанг, тамбла келирсе.
- Аманнга алтын чыдамаз.
- Акъыл бла адеб эгизледиле.
- Юйлю уругъа ит чабмаз.
- Кюн – узун, ёмюр – къысха.
- Бек анасы джыламаз.
- Сибиртки да сыйлы болду, кюрек да кюнлю болду.
- Аманнга игилик этсенг, юйюнге сау бармазса.
- Кёбге таш атма.
- Тюзлюк шохлукъну бегитир.
- Джылар джаш, атасыны сакъалы бла ойнар.
- Аз сёлеш, кёб ишле.
- Аман адам этегингден тутса, кес да къач.
- Сабыр джетер муратха, сабырсыз къалыр уятха.
- Алтыда кюлмеген, алтмышда кюлмез.
- Ойнай-ойнай кёз чыгъар.
- Акъыллы эркиши атын махтар, акъылсыз эркиши къатынын махтар.
- Нёгерсизни джолу узун.
- Сакъ юйюне сау барыр.
- Ачыкъ джюрекге джол – ачыкъ.
- Ётюрюкню къуйругъу – бир тутум.
- Садакъачыны джаны – къапчыгъында.
- Джаш къарыу бла кючлю, къарт акъыл бла кючлю.
- Сакъалы текени да бар, мыйыгъы киштикни да бар.
- Тешик этген тынчды, аны джамагъан къыйынды.
- Къыйынлы джети элге оноу этер.
- Келинни – келгинчи, бёркню кийгинчи кёр.
- Чабакъгъа акъыл, табагъа тюшсе келеди.
- Аллахха ийнаннган кишини, Аллах онгдурур ишин.
- Тиширыусуз юй – отсуз от джагъа.
- Ханнга да келеди хариблик.
- Дуния аламаты сен эсенг да, игиме деб айтма.
Билялу Аппаеву - 70 лет!
16.12.2010 19:20:31
Билял Аппаев, автор первого детективного романа на карачаевском языке ?Первая любовь?, которая вышла в свет в 1973 году и стала явлением в карачаевской литературе!
|
|
|
|
25.12.2010 00:18:22
Узакъ ёмюрлю болсун!
|
|
|
|
25.12.2010 10:37:21
узакъ ёмюрлю болсун! Передачаны кёрдюм телевизорда, а наша Софикошка -ведущая!
|
|
|
|
Читают тему (гостей: 1)