Ётюрюкню башын керти кесер.
Аманны къуугъан, аманлыкъ табар.
Адам къаллай бир ишленмесе, аллай бир кесин уллу кёреди.
Адамгъа аман кюн соруб келмейди.
Окъугъанны бети джарыкъ.
Джол бла сёзню къыйыры джокъ.
Къарт болгъан джерде, берекет болур, сабий болгъан джерде, оюн болур.
От кюйдюрген, сау болса да, тот кюйдюрген, сау болмаз.
Ат басханны джер билед.
Ишге юренсин къоллары, халкъ бла болсун джоллары.
Аманны тукъумуна къарама, игини тукъумун сорма.
Джаралыны джастыгъында сау ёлюр.
Айран тёгюлсе, джугъусу къалыр.
Шапа кёб болса, аш татымсыз болур.
Бозаны арты дауур болур.
Къолу уллу – асыу, аягъы уллу – джарсыу.
Тюз сёз баргъан сууну тыяр.
Мени джылытмагъан кюн, меннге тиймесин!
Къууут – джелге, берне – бошха.
Мадар болса, къадар болур.
Ишлемеген – тишлемез.
Биреуге кёлтюрген таягъынг, кесинги башынга урур.
Къонакъны къачан кетерин сорма, къачан келлигин сор.
Элни кючю – эмеген.
Игини сыйлагъан адетди.
Харам къарнашдан, халал тенг ашхы.
Тай асырагъан, атха минер.
Джахил болса анасы, не билликди баласы?
Хантына кёре тузу, юйюне кёре къызы.
Джырчы джырчыгъа – къарнаш.
Таугъа чыгъаллыкъ эсенг, тюзде къалма.
Кёзден кетген, кёлден да кетеди.
Огъурлуну сёзю – суу, огъурсузну сёзю – уу.
Ачылгъан эт джабылыр, кёрген кёз унутмаз.
Джаз бир кюнню джатсанг, къыш талай кюнню абынырса.
Эл ауузу – элия.
Акъыл къартда, джашда тюйюлдю – башдады.
Алгъанда – джууукъ, бергенде – джау.
Адамны бетине къарама, адетине къара.
Рысхы джалгъанды: келген да этер, кетген да этер.
Сангырау къулакъ эл бузар.
Тамбла алтындан бюгюн багъыр ашхы.
Чыбыкълыкъда бюгюлмеген, къазыкълыкъда бюгюлмей эди.
Накъырданы арты керти болур.
Хаухну атма, ёнгкючню сатма.
Джыланны къуйругъундан басарынг келсе, аны башы болгъанын унутма.
Джарлыны тону джаз битер.
Аууздан келген, къолдан келсе, ким да патчах болур эди.
Чарсда алчыны эл кёреди.
Къатын къылыкъсыз, эр тынчлыкъсыз.
устами младенца, как известно 