Билмегенинги, билгеннге сор.
Билим – акъылны чырагъы.
Эринчекни аурууу – кёб.
Башы джабылгъан челекге, кир тюшмез.
Иги сеники эсе да, сюйген кесимикин этеме.
Джаз бир кюнню джатсанг, къыш талай кюнню абынырса.
Ишлерге уял да, ашаргъа табма.
Илму – джашауну джолу.
Ёлюк кебинсиз къалмаз.
Эл ауузу – элек, анга ийнаннган – халек.
Адамны адамлыгъы къыйынлыкъда айгъакъланады.
Тойгъан антын унутур.
Экеу тутушса, биреу джыгъылыр.
Душманны тышы – акъ, ичи – къара.
Узун джолну барсанг, бюгюн келирсе, къысха джолну барсанг, тамбла келирсе.
Суугъа – таянма, джаугъа – ийнанма.
Джарлы эскисин джамаса, къууаныр.
Джашда акъыл джокъ, къартда къарыу джокъ.
Ойнай-ойнай кёз чыгъар.
Джырына кёре эжиую.
Таш ата билмеген, башына урур.
Ауузу бла къуш тута айланады.
Кёзню ачылгъаны – иги, ауузну джабылгъаны – иги.
Намыс болмагъан джерде, насыб болмаз.
Къоркъакъны кёзю экили кёрюр.
Биреуге кёлтюрген таягъынг, кесинги башынга урур.
Ата Джуртуму башы болмасам да, босагъасында ташы болайым.
Айныгъанлы алты кюн, тогъайгъанлы тогъуз кюн.
Термилгенинги табмазса, кюлгенинге тюберсе.
Эки итни арасына сюек атма, эки адамны арасында сёз чыгъарма.
Ишин билген, аны сыйын чыгъарады.
Аз сёлешген, къайгъысыз турур.
Ичимден чыкъды хата, къайры барайым сата?
Терслик кетер, тюзлюк джетер.
Ёлюр джаннга, ёкюл джокъ.
Окъуу – билимни ачхычы, окъуу – дунияны бачхычы.
Кийим тукъум сордурур.
Тёрени джагъы джокъ.
Акъыл сабырлыкъ берир.
Алтыда кюлмеген, алтмышда кюлмез.
Халкъны юйю – туугъан джери.
Азыгъы аз, алгъа къабар, аты аман, алгъа чабар.
Аман адам этегингден тутса, кес да къач.
Чакъырылгъанны аты, чакъырылмагъанны багъасы болур.
Джангызны оту джарыкъ джанмаз!
Уллу айтханны этмеген – уллаймаз.
Атлыны ашхысы, ат тизгининден билинир
Урама да – ёледи, сатама да – келеди.
Къулакъдан эсе, кёзге ышан.
Ашхылыкъ джерде джатмайды, аманлыкъ суугъа батмайды.
устами младенца, как известно 