Кечеси – аяз, кюню – къыш, джарлы къаргъагъа бир аш тюш!
Чомартха Тейри да борчлуду.
Кёлсюзден сёзсюз тууар.
Эри аманны, къатыны – аман.
Кюн кёрмеген, кюн кёрсе, кюндюз чыракъ джандырыр.
Алим болгъандан эсе, адам болгъан къыйынды.
Сагъышы джокъ – джукъучу, акъылы джокъ – къаугъачы.
Къралынгы – душмандан, башынгы от бла суудан сакъла.
Къазанчы аман болса, къазаны къайнамаз.
Бети къызарыучу адамны, джюреги харам болмаз.
Къызны минг тилер, бир алыр.
Аз айтсам, кёб ангылагъыз.
Халкъны юйю – туугъан джери.
Таукел къуру къалмаз.
Татлы сёз – балдан татлы.
Ачны эсинде – аш.
Къарны аманнга къазан такъдырма, къолу аманнга от джакъдырма.
Чомартны къолу берекет.
Къолу уллу – асыу, аягъы уллу – джарсыу.
Керилген да, ургъан кибикди.
Джырына кёре эжиую.
Къарнынг ауруса, ауузунгу тый
Джырчы ёлсе, джыры къалыр.
Арбаз сайлама да, хоншу сайла.
Акъылсызны джууукъгъа алма, акъыллыны кенгнге салма.
Айныгъанлы алты кюн, тогъайгъанлы тогъуз кюн.
Джауумдан сора, кюн кюйдюрюр, ётюрюкден сора, айыб кюйдюрюр.
Экеулен сёлеше тура эселе, орталарына барыб кирме.
Биреуге аманлыкъны тилеме да, кесинге ашхылыкъны тиле.
Къызбайны юйюне дери сюрсенг, батыр болур.
Кютгени беш эчки, сызгъыргъаны уа, джерни джарады.
Рысхысына кёре, джаш ёсер, къышлыгъына кёре, мал ёсер.
Орну джокъну – сыйы джокъ.
Намысы джокъну – дуниясы джокъ.
Джюз элде джюз ёгюзюм болгъандан эсе, джюз джууугъум болсун.
Ач да бол, токъ да бол – намысынга бек бол.
Ата Джуртча джер болмаз, туугъан элча эл болмаз.
Арбаз къынгырды да, ийнек сауалмайма.
Минг тенг да азды, бир джау да кёбдю.
Къарнынг бла ёч алма.
Акъыл къартда, джашда тюйюлдю – башдады.
Тюз сёз баргъан сууну тыяр.
Джаш къарыу бла кючлю, къарт акъыл бла кючлю.
Аджаллыгъа окъсуз шкок атылыр.
Адам къыйынлыгъын кёлтюрюр, зауукълугъун кёлтюрмез.
Ишни аллы бла къууанма да, арты бла къууан.
Берекет берсин деген джерде, берекет болур.
Башсыз урчукъ тюзюне айланмаз.
Къонакъ болсанг, ийнакъ бол.
Юйлю уругъа ит чабмаз.
устами младенца, как известно 