Къартны сыйын кёрмеген, къартлыгъында сыйлы болмаз.
Сабийликде юретмесенг, уллу болса – тюзелмез.
Шайтан алдады, тюзлюк къаргъады.
Кесине гебен этелмеген, биреуге черен эте эди.
Минг тенг да азды, бир джау да кёбдю.
Ётюрюкню къуйругъу – бир тутум.
Тынгылагъан тынгы бузар.
Къууут – джелге, берне – бошха.
Сёлеш деб шай берген, тохта деб, сом берген.
Къуллукъчума, деб махтанма, къуллукъ – хаух джамчыды!
Башсыз урчукъ тюзюне айланмаз.
Бети – къучакълар, джюреги – бычакълар.
Тик ёргени, тик энгишгеси да болады.
Арыгъан къош чамчы болур.
Ким бла джюрюсенг, аны кёзю бла кёрюнюрсе.
Бети бедерден, намыс сакълама.
Тойну къарнашы – харс, джырны къарнашы – эжиу.
Ашлыкъ – бюртюкден, джюн – тюкден.
Уллу сёлешме да, уллу къаб.
Келинни – келгинчи, бёркню кийгинчи кёр.
Магъанасыз сёз – тауушсуз сыбызгъы.
Адеб этмеген, адеб кёрмез.
Эки элинги тыйсанг, джети элде махталырса.
Олтуруб кёрюнмей эди да, ёрге туруб кёрюне эди.
Ашхы болсанг, атынг чыгъар, аман болсанг, джанынг чыгъар.
Эл бла кёргенинг эрелей.
Ишни ахырын ойламай, аллын башлама.
Атлыны ашхысы, ат тизгининден билинир
Телиге от эт десенг, юйюнге от салыр.
Ишин билген, аны сыйын чыгъарады.
Этни бети бла шорпасы.
Таш бла ургъанны, аш бла ур.
Кюлме джашха – келир башха.
Ёксюзню къалачы уллу кёрюнюр.
Адеб базарда сатылмаз.
Акъыл сабырлыкъ берир.
Кечеси – аяз, кюню – къыш, джарлы къаргъагъа бир аш тюш!
Дуния малгъа сатылма, кесингден телиге къатылма.
Окъдан джара эртде-кеч болса да бителир, сёз джара, ёмюрге къалыр.
Бичгенде ашыкъма, тикгенде ашыкъ.
Иги болса, тамадама – махтау, аман болса, меннге – айыб.
Айран тёгюлсе, джугъусу къалыр.
Бети къызарыучу адамны, джюреги харам болмаз.
Къазанчы аман болса, къазаны къайнамаз.
Аякъларынгы джууургъанынга кёре узат.
Джарашыу сюйген – джалынчакъ.
Айранын берсенг, челегин да къызгъанма.
Юйюнг бла джау болгъандан эсе, элинг бла джау бол.
Акъдан къара болмаз.
Ач, тоймам, дейди, тойгъан, ач болмам, дейди.
устами младенца, как известно 