Къызгъанчдан ычхыныр, мухардан ычхынмаз.
Эм уллу байлыкъ – джан саулукъ.
Юй кюйдю да, кюйюз чыкъды, ортасындан тюйюш чыкъды.
Аллахха ийнаннган кишини, Аллах онгдурур ишин.
Къозулугъунда тоймагъан, къойлугъунда тоймаз.
Иги адам абынса да, джангылмаз.
Сабийликде юретмесенг, уллу болса – тюзелмез.
Адеб базарда сатылмаз.
Джыланны къуйругъундан басарынг келсе, аны башы болгъанын унутма.
Биреу къой излей, биреу той излей.
Къолунгдан къуймакъ ашатсанг да, атаны борчундан къутулмазса.
Сакъ юйюне сау барыр.
Гитче джилтин уллу элни джандырыр.
Кёзюнде тереги болгъан, чёбю болгъаннга кюле эди.
Эл элде бирер малынг болгъандан эсе, бирер тенгинг болсун.
Мураты болгъанны джюрек тебюую башхады.
Тиширыусуз юй – отсуз от джагъа.
Тойгъан антын унутур.
Джылкъыдан – ат чыгъар, тукъумдан – джаш чыгъар.
Мухарны эси – ашарыкъда.
Кёб ант этген, кёб ётюрюк айтыр.
Аманны эки битли тону болур, бирин сеннге кийдирир, бирин кеси киер.
Кюн кёрмеген, кюн кёрсе, кюндюз чыракъ джандырыр.
Чарсда алчыны эл кёреди.
Билим къая тешер.
Акъыл неден да кючлюдю.
Ёксюзню къалачы уллу кёрюнюр.
Ойнай билмеген, оюн бузар.
Ач къарынны, токъ билмез
Айныгъанлы алты кюн, тогъайгъанлы тогъуз кюн.
Ариу сёзде ауруу джокъ.
Хунаны тюбюн къазсанг, юсюнге ауар.
Ана къойну – балагъа джандет.
Къанны къан бла джуума, аманны аман бла къуума.
Билеги кючлю, бирни джыгъар, билими кючлю, мингни джыгъар.
Джауумдан сора, кюн кюйдюрюр, ётюрюкден сора, айыб кюйдюрюр.
Таукелге нюр джауар.
Ёмюрлюк шохлукъну джел элтмез.
Рысхысына кёре, джаш ёсер, къышлыгъына кёре, мал ёсер.
Джарлыны эшигин махтагъан джабар.
Иши джокъну, сыйы джокъ.
Хар адамгъа кеси миннген тау кибик.
Кёзню ачылгъаны – иги, ауузну джабылгъаны – иги.
Кийимни бичсенг, кенг бич, тар этген къыйын тюлдю.
Ашда уялгъан – мухар, ишде уялгъан – хомух.
Сёлеш деб шай берген, тохта деб, сом берген.
Суугъа – чабакъ, къаягъа – ыргъакъ.
Садакъачыны джаны – къапчыгъында.
Билим насыб берир, билим джолну керир.
Къартны бурнун сюрт да, оноугъа тут.
устами младенца, как известно 