Байлыкъдан саулукъ ашхыды.
Джарлы тюеге минсе да, ит къабар.
Ачлыкъ отха секиртир.
Кёзю сокъурдан – къоркъма, кёлю сокъурдан – къоркъ.
Аджашханны ызындагъы кёреди, джангылгъанны джанындагъы биледи.
Адам сёзге тынгыла, акъыл сёзню ангыла.
Аманны эки битли тону болур, бирин сеннге кийдирир, бирин кеси киер.
Тай асырагъан, атха минер.
Акъыллы – эл иеси, тели – эл баласы.
Кёбню кёрген – кёб билир.
Тилде сюек болмаса да, сюек сындырыр.
Ишлемеген – тишлемез.
Билген билмегенни юретген адетди.
Атлыны ашхысы, ат тизгининден билинир
Агъач халкъгъа алтынды, иссиликге салкъынды.
Сагъышы джокъ – джукъучу, акъылы джокъ – къаугъачы.
Чыкълы кюнде чыкъмагъан, чыкъса къуру кирмеген.
Экеулен сёлеше тура эселе, орталарына барыб кирме.
Мал тутхан – май джалар.
Арба аугъандан сора, джол кёргюзтюучю кёб болур.
Окъумагъан сокъурду, сокъур ташха абыныр!
Айтылгъан сёз ызына къайтмаз.
Джеринден айырылгъан – джети джылар, джуртундан айырылгъан – ёлгюнчю джылар.
Аман къатын алгъан, арыр, иги къатын алгъан джарыр.
Ушамагъан – джукъмаз.
Сабийликде юретмесенг, уллу болса – тюзелмез.
Аджаллыгъа окъсуз шкок атылыр.
Сибиртки да сыйлы болду, кюрек да кюнлю болду.
Хатерли къул болур.
Аллахдан тилесенг, кёб тиле.
Тил джюрекге джол ишлейди.
Сёз – кюмюш, джыр – алтын.
Суугъа – таянма, джаугъа – ийнанма.
Акъыл къартда, джашда тюйюлдю – башдады.
Эл ауузу – элек, анга ийнаннган – халек.
Айтхан – тынч, этген – къыйын.
Ичимден чыкъды хата, къайры барайым сата?
Этни бети бла шорпасы.
Адам къаллай бир ишленмесе, аллай бир кесин уллу кёреди.
Къатын къылыкъсыз, эр тынчлыкъсыз.
Джюрекге ариу – кёзге да ариу.
Тойгъан джерге джети къайт.
Эртде тургъан бла эртде юйленнген сокъуранмаз.
Къозулугъунда тоймагъан, къойлугъунда тоймаз.
Кимни – тили, тиши онглу, кимни – къолу, иши онглу.
Къонакъ болсанг, ийнакъ бол.
Уллу сёзде уят джокъ.
Ариу сёзде ауруу джокъ.
Къарнынг тойгъунчу аша да, белинг талгъынчы ишле.
Аман эсирсе, юйюн ояр.
устами младенца, как известно 