Къарт бла баш аша, джаш бла аякъ аша.
Ачыкъ джюрекге джол – ачыкъ.
Бал ашаргъа сюе эсенг, чибин ургъаннга тёз.
Эм ашхы къайын ана мамукъ бла башынгы тешер.
Аман адамны тепсинге олтуртсанг, къызынгы тилер.
Рысхы – насыбха къор.
Аманнга да, игиге да оноусуз къатышма.
Баш – акъыл ючюн, акъылман – халкъ ючюн.
Игилик игилик бла сингдирилиучю затды.
Ашхы сёз таш тешер.
Таукел адам тау тешер.
Ётюрюкден тюбю джокъ, кёлтюрюрге джиби джокъ.
Сабийликде юретмесенг, уллу болса – тюзелмез.
Юйюнгден чыкъдынг – кюнюнгден чыкъдынг.
Тилде сюек болмаса да, сюек сындырыр.
Кесине оноу эте билмеген, халкъына да эте билмез.
Аш кетер да бет къалыр.
Тойгъа барсанг, тоюб бар, эски тонунгу къоюб бар.
Берекет берсин деген джерде, берекет болур.
Ашын ашагъанынгы, башын да сыйла.
Джылкъыдан – ат чыгъар, тукъумдан – джаш чыгъар.
Айтхан – тынч, этген – къыйын.
Къарнынг бла ёч алма.
От этилмеген джерден тютюн чыкъмайды.
Башланнган иш битер, къымылдагъан тиш тюшер.
Аманнга алтын чыдамаз.
Чалманны аллы къалай башланса, арты да алай барады.
Эр сокъур болсун, къатын тилсиз болсун.
Ариу джол аджал келтирмез.
Чыкълы кюнде чыкъмагъан, чыкъса къуру кирмеген.
Алтыннга тот къонмаз.
Хантына кёре тузу, юйюне кёре къызы.
Эркиши – от, тиширыу – суу.
Аз айтсам, кёб ангылагъыз.
Окъугъанны бети джарыкъ.
Сагъышы джокъ – джукъучу, акъылы джокъ – къаугъачы.
Кёрмегеннге кебек – танг, битмегеннге сакъал – танг.
Къонакъ болсанг, ийнакъ бол.
Босагъагъа джууукъ орун болса, ашыгъыб тёрге озма.
Дженгил джетерикме деб, узун джолну къоюб, къысхасын барма.
Окъуу – билимни ачхычы, окъуу – дунияны бачхычы.
Юйлю уругъа ит чабмаз.
Баш болса, бёрк табылыр.
Намыс сатылыб алынмайды.
Аз сёлешген, къайгъысыз турур.
Ургъан суудан башынгы сакъла.
Сакъламагъан затынга джолукъсанг, не бек къууанаса, не бек ачыйса.
Къар – келтирди, суу – элтди.
Чабар ат – джетген къыз.
Къозулугъунда тоймагъан, къойлугъунда тоймаз.
устами младенца, как известно 