Юре билмеген ит, къонакъ келтирир.
Чабакъ башындан чирийди.
Джырына кёре эжиую.
Эркишиге тары кебек танг кёрюнюр.
Кёб джат да, бек чаб.
Къолунгдан къуймакъ ашатсанг да, атаны борчундан къутулмазса.
Абынмазлыкъ аякъ джокъ, джангылмазлыкъ джаякъ джокъ.
Къонакъны къачан кетерин сорма, къачан келлигин сор.
Адамны артындан къара сабан сюрме.
Къан бла кирген, джан бла чыгъар.
Башланнган иш битер, къымылдагъан тиш тюшер.
Илму – джашауну джолу.
Сакъ юйюне сау барыр.
Кирсизни – саны таза, халалны – къаны таза.
Оюмсуз атлагъан, аджалсыз ёлюр.
Булут кёкге джарашыу, уят бетге джарашыу.
Къанны къан бла джуума, аманны аман бла къуума.
Ётюрюкню башын керти кесер.
Акъыллы эркиши атын махтар, акъылсыз эркиши къатынын махтар.
Эртде тургъан бла эртде юйленнген сокъуранмаз.
Аманны эки битли тону болур, бирин сеннге кийдирир, бирин кеси киер.
Азыгъы аз, алгъа къабар, аты аман, алгъа чабар.
Кёб ант этген, кёб ётюрюк айтыр.
Хатерли къул болур.
Къартны бурнун сюрт да, оноугъа тут.
Къонагъы джокъну – шоху джокъ.
Эринчекни эр алмаз, эр алса да, кёл салмаз, кёл салса да, кёб бармаз!
Термилгенинги табмазса, кюлгенинге тюберсе.
Джетген къыз джерли эшекни танымаз.
Терслик кетер, тюзлюк джетер.
Нёгерсизни джолу узун.
Ёлген ийнек сютлю болур.
Джарлыны тону джаз битер.
Аз сёлеш, кёб ишле.
Адамны бетине къарама, адетине къара.
Ашыкъгъанны этеги бутуна чырмалыр.
Байлыкъ тауусулур, билим тауусулмаз.
Сыфатында болмагъаны, суратында болмаз.
Нарт сёз – тилни бети.
Бети – къучакълар, джюреги – бычакълар.
Адам бла мюлк юлешмеген эсенг, ол адамны билиб бошагъанма, деб кесинги алдама.
Зар адам ашынгы ашар, кесинги сатар.
Хазыр ашха – терен къашыкъ.
Сёз садакъдан кючлюдю.
Ач бёрюге мекям джокъ.
Ата – билек, ана – джюрек!
Эте билген, этген этеди, эте билмеген, юретген этеди!
Татлы тилде – сёз ариу, чемер къолда – иш ариу.
Ишни аллы бла къууанма да, арты бла къууан.
Къар – келтирди, суу – элтди.
устами младенца, как известно 