- Ариу сёз – къылычдан джити.
- Дуния мал дунияда къалады.
- Тамбла алтындан бюгюн багъыр ашхы.
- Босагъагъа джууукъ орун болса, ашыгъыб тёрге озма.
- Чабар ат – джетген къыз.
- Ариу сёз – джаннга азыкъ, аман сёз – башха къазыкъ.
- Аууз сакълагъан – джан сакълар.
- Айранын берсенг, челегин да къызгъанма.
- Ушамагъан – джукъмаз.
- Адамны аты башхача, акъылы да башхады.
- Ач да бол, токъ да бол – намысынга бек бол.
- Аз сёлешген, къайгъысыз турур.
- Аман адам элни бир-бирине джау этер.
- Къумурсхала джыйылсала, пилни да джыгъадыла.
- Эки итни арасына сюек атма, эки адамны арасында сёз чыгъарма.
- Къарны аманнга къазан такъдырма, къолу аманнга от джакъдырма.
- Джарашыу сюйген – джалынчакъ.
- Ашаса, ашамаса да, бёрюню ауузу – къан.
- Окъуу – билимни ачхычы, окъуу – дунияны бачхычы.
- Душманны тышы – акъ, ичи – къара.
- Къартны бурнун сюрт да, оноугъа тут.
- Ачылгъан эт джабылыр, кёрген кёз унутмаз.
- Харам къарнашдан, халал тенг ашхы.
- Чомартны къолун джокълукъ байлар.
- Джарлы эскисин джамаса, къууаныр.
- Эли джокъну – кёлю джокъ.
- Кийим тукъум сордурур.
- Кёб джат да, бек чаб.
- Чомарт къонакъ юй иесин сыйлар.
- Ашхы сёз таш тешер.
- Аллахдан тилесенг, кёб тиле.
- Миллетни бойну – базыкъ, аны бла кюрешген – джазыкъ.
- Эки къатын алгъанны къулагъы тынгнгаймаз.
- Адам къыйынлыгъын кёлтюрюр, зауукълугъун кёлтюрмез.
- Ачыу алгъа келсе, акъыл артха къалады.
- Ачыкъ джюрекге джол – ачыкъ.
- Хоншуну тауугъу къаз кёрюнюр, келини къыз кёрюнюр.
- Ёлген аслан – сау чычхан.
- Сескекли кесин билдирир.
- Тойну къарнашы – харс, джырны къарнашы – эжиу.
- Акъыл бла адеб эгизледиле.
- Къонагъынгы артмагъын алма да, алгъышын ал.
- Онгсузну – джакъла, тенгликни – сакъла.
- Къатын къылыкъсыз, эр тынчлыкъсыз.
- Ашыкъгъан cуу, тенгизге джетмез.
- Суугъа – таянма, джаугъа – ийнанма.
- Ач – эснер, ат – кишнер.
- Акъыллы айтыр эди, акъылсыз къоймайды.
- Ач къарынны, токъ билмез
- Этни да ашады, бетни да ашады.
кто такие скифы-аланы-асы-хазары-болгары-карачаевцы-балкарцы -кумуки
|
|
|
|
|
|
 |
|
|
|
|
|
в названии гор Ала-тау - Светлые (Яркие) горы,
в переводе с казахского Алатау - пестрые горы! ала - у нас означает пестрый,разноцветный, алапес - аляпистый. |
|
|
|
|
Читают тему (гостей: 1)