- Тыш элде солтан болгъандан эсе, кесинги элде олтан болгъан игиди!
- Къолу уллу – асыу, аягъы уллу – джарсыу.
- Адам къаллай бир ишленмесе, аллай бир кесин уллу кёреди.
- Тин – байлыгъынг, терен саулугъунг.
- Къызны минг тилер, бир алыр.
- Адамны аты башхача, акъылы да башхады.
- Къазанны башы ачыкъ болса, итге уят керекди.
- Чакъырылгъанны аты, чакъырылмагъанны багъасы болур.
- Уллу айтханны этмеген – уллаймаз.
- Джюрек кёзден алгъа кёрюр.
- Къонакъ хазыр болгъанлыкъгъа, къонакъбай хазыр тюлдю.
- Чомартха Тейри да борчлуду.
- Хар адамгъа кеси миннген тау кибик.
- Къонакъны къачан кетерин сорма, къачан келлигин сор.
- Сёз сёзню айтдырыр.
- Тили узунну, намысы – къысха.
- Азыкъ аз болса, эртде орун сал.
- Бермеген къол, алмайды.
- Тели турса – той бузар.
- Халкъны джырын джырласанг, халкъ санга эжиу этер.
- Адамны адамлыгъы къыйынлыкъда айгъакъланады.
- Булут кёкге джарашыу, уят бетге джарашыу.
- Ариу джол аджал келтирмез.
- Аууз сакълагъан – джан сакълар.
- Мени джылытмагъан кюн, меннге тиймесин!
- Къарыусузгъа кюлме, онгсузгъа тийме.
- Кёрмегеннге кебек – танг, битмегеннге сакъал – танг.
- Намыс болмагъан джерде, насыб болмаз.
- Игиге айтсанг – билир, аманнга айтсанг – кюлюр.
- Соргъан айыб тюлдю, билмеген айыбды.
- Джети тилни билген джети кишиди.
- Зар адам ашынгы ашар, кесинги сатар.
- Тёзген – тёш ашар!
- Джарлы джети элни сёзюн этер.
- Ойнаб айтсанг да, эслеб айт.
- Къоркъакъны кёзю экили кёрюр.
- Ач, тоймам, дейди, тойгъан, ач болмам, дейди.
- Тюзлюк тас болмайды.
- Тюзню ётмеги тюзде къалса да, тас болмаз.
- Абынмазлыкъ аякъ джокъ, джангылмазлыкъ джаякъ джокъ.
- Ёлген аслан – сау чычхан.
- Ётюрюк хапар аякъ тюбю бла джюрюйдю.
- Джарлы эскисин джамаса, къууаныр.
- Кёлю джокъну – джолу джокъ.
- Къыз чыгъаргъан – къызыл къымжа.
- Адам къыйынлыгъын кёлтюрюр, зауукълугъун кёлтюрмез.
- Акъыллы эркиши атын махтар, акъылсыз эркиши къатынын махтар.
- Орну джокъну – сыйы джокъ.
- Къонакъ аман болса, къонакъбай джунчур
- Башынга джетмегенни сорма.
[ Закрыто ] ЗАНКИШИЕВ КАЗБЕК КУБАДИЕВИЧ ИЗ ВЕРХНЕЙ ЖЕМТАЛЫ ЧИМПИОН МИРА ПО ДЗЮДО. ЙОХАННЕСБУРГ ЮАР.
|
http://www.elbrusoid.org/phorum/index.php?action=v thread&forum=13&topic=15125
Былайда айтылгъан эди аны юсюнден. Айтылгъан бир джерге тюше барса иги боллукъ эди. Айтханынг а тюздю, Сагъид. Аллай джашларыбызгъа тюбемесек, кимге тюберикбиз. Халкъыбызны атын айтдыра, барыбызны да къууандыра, кёб джашасын. |
|
|
|
|
|
Sabr,
тюз айтаса, бир жерге тюшсе иги боллугъун. Тукъумун изледим да, табмагъандан сора жаздым. Теманы модератор кетерип къойса, боллукъ эди. |
|
|
|
|
|
|
||||
|
|
|
|||
Читают тему (гостей: 1)