- Къызын тута билмеген, тул этер, джашын тута билмеген, къул этер.
- Ишлерге уял да, ашаргъа табма.
- Кёкдеги болмаса, джердегин кёрмейди.
- Тик ёргени, тик энгишгеси да болады.
- Нарт сёз къарт болмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Шапа кёб болса, аш татымсыз болур.
- Аманны къуугъан, аманлыкъ табар.
- Аууздан келген, къолдан келсе, ким да патчах болур эди.
- Ишни аллы бла къууанма да, арты бла къууан.
- Тёзген – тёш ашар!
- Джогъун бар этген, барын бал этген.
- Гугук кесини атын айтыб къычыргъанча, мен, мен деб нек тураса?
- Ёлген аслан – сау чычхан.
- Узун джолну барсанг, бюгюн келирсе, къысха джолну барсанг, тамбла келирсе.
- Къолу уллу – асыу, аягъы уллу – джарсыу.
- Чакъырылмай келген къонакъ сыйланмай кетер.
- Джерни букъусу кёкге къонмаз.
- Кёбге таш атма.
- Сёз сёзню айтдырыр.
- Юйюнгден чыкъдынг – кюнюнгден чыкъдынг.
- Кёзю сокъурдан – къоркъма, кёлю сокъурдан – къоркъ.
- Телиге от эт десенг, юйюнге от салыр.
- Адебни адебсизден юрен.
- Суугъа – таянма, джаугъа – ийнанма.
- Аджашханны ызындагъы кёреди, джангылгъанны джанындагъы биледи.
- Айтхан – тынч, этген – къыйын.
- Сакъ юйюне сау барыр.
- Джиби бир къат джетмей эди да, эки къат тарта эди.
- Ишлегенде эринме, ишде чолакъ кёрюнме.
- Джарлы джети элни сёзюн этер.
- Къарыусузгъа кюлме, онгсузгъа тийме.
- Бойнуму джети джерден кессенг да, мен ол ишни этеллик тюлме.
- Адеб джокъда, намыс джокъ.
- Арпа, будай – ащды, алтын, кюмюш а – ташды.
- Джолунга кёре – джюрюшюнг, джагъанга кёре – юлюшюнг.
- Джырына кёре эжиую.
- Джукъу тёшек сайламайды.
- Къыз келсе, джумуш эте келеди, къатын келсе, ушакъ эте келеди.
- Эки ойлашыб, бир сёлешген.
- Акъыллы башны – тили къысха.
- Кёбден умут этиб, аздан къуру къалма.
- От кюйдюрген, сау болса да, тот кюйдюрген, сау болмаз.
- Айтхан сёзюне табылгъан.
- Чакъырылмагъан къонакъ – орунсуз.
- Ишни ахырын ойламай, аллын башлама.
- Тешигини къатында, чычхан да батыр болур.
- Джолда аягъынга сакъ бол, ушакъда тилинге сакъ бол.
- Билим ат болуб да чабар, къуш болуб да учар.
- Тиширыусуз юй – отсуз от джагъа.
[ Закрыто ] ЗАНКИШИЕВ КАЗБЕК КУБАДИЕВИЧ ИЗ ВЕРХНЕЙ ЖЕМТАЛЫ ЧИМПИОН МИРА ПО ДЗЮДО. ЙОХАННЕСБУРГ ЮАР.
08.11.2011 04:13:35
http://www.elbrusoid.org/phorum/index.php?action=v thread&forum=13&topic=15125
Былайда айтылгъан эди аны юсюнден. Айтылгъан бир джерге тюше барса иги боллукъ эди. Айтханынг а тюздю, Сагъид. Аллай джашларыбызгъа тюбемесек, кимге тюберикбиз. Халкъыбызны атын айтдыра, барыбызны да къууандыра, кёб джашасын. |
|
|
|
08.11.2011 04:57:42
Sabr,
тюз айтаса, бир жерге тюшсе иги боллугъун. Тукъумун изледим да, табмагъандан сора жаздым. Теманы модератор кетерип къойса, боллукъ эди. |
|
|
|
09.11.2011 22:24:10
|
||||
|
|
|||
Читают тему (гостей: 1)