- Тилчи тилден къаныкъмаз.
- Кёл – къызбай, къол – батыр.
- Ашхы болсанг, атынг чыгъар, аман болсанг, джанынг чыгъар.
- Миллетни бойну – базыкъ, аны бла кюрешген – джазыкъ.
- Минг тенг да азды, бир джау да кёбдю.
- Къартны бурнун сюрт да, оноугъа тут.
- Биреу ашаб къутулур, биреу джалаб тутулур.
- Таукел тауну аудурур.
- Къан бла кирген, джан бла чыгъар.
- Кенгеш болса, уруш болмаз.
- Тойну къарнашы – харс, джырны къарнашы – эжиу.
- Мураты болгъанны джюрек тебюую башхады.
- Акъыл бла адеб эгизледиле.
- Кёлю джокъну – джолу джокъ.
- Акъыллы эркиши атын махтар, акъылсыз эркиши къатынын махтар.
- Айырылмаз джууугъунга, унутмаз сёзню айтма.
- Джети тилни билген джети кишиди.
- Кёпюр салгъан кеси ётер, уру къазгъан кеси кетер.
- Чакъырылмагъан къонакъ – орунсуз.
- Иги сёз – джаннга азыкъ, аман сёз башха – къазыкъ.
- Кёлсюзден сёзсюз тууар.
- Аш кетер да бет къалыр.
- Тёрени джагъы джокъ.
- Ашха уста, юйюнде болсун
- Адамны сыфатына къарама, сёзюне къара.
- Нарт сёз къарт болмаз.
- Бек ашыкъгъан меннге джетсин, дегенди аракъы.
- Халкъны джырын джырласанг, халкъ санга эжиу этер.
- Байлыкъ адамны сокъур этер.
- Келлик заман – къартлыкъ келтирир, кетген заман – джашлыкъ ёлтюрюр.
- Намыс болмагъан джерде, насыб болмаз.
- Юй кюйдю да, кюйюз чыкъды, ортасындан тюйюш чыкъды.
- Чомартха хар кюн да байрамды.
- Адамны аты башхача, акъылы да башхады.
- Ач бёрюге мекям джокъ.
- Экеулен сёлеше тура эселе, орталарына барыб кирме.
- Ёпкелегенни ашы татлы болады.
- Тенги кёбню джау алмаз, акъылы кёбню дау алмаз.
- Керек ташны ауурлугъу джокъ.
- Байма, деб да, къууанма, джарлыма, деб да, джылама.
- Къызын тута билмеген, тул этер, джашын тута билмеген, къул этер.
- Джогъун бар этген, барын бал этген.
- Мухар, кеси тойса да, кёзю тоймаз.
- Къызбайны юйюне дери сюрсенг, батыр болур.
- Ачны эсинде – аш.
- Иесиз малны бёрю ашар.
- Айранны сюйген, ийнек тутар.
- Тюз сёз баргъан сууну тыяр.
- Иги адам абынса да, джангылмаз.
- Босагъа таш юйге кирмей эди, тыбыр таш эшикге чыкъмай эди.
[ Закрыто ] ЗАНКИШИЕВ КАЗБЕК КУБАДИЕВИЧ ИЗ ВЕРХНЕЙ ЖЕМТАЛЫ ЧИМПИОН МИРА ПО ДЗЮДО. ЙОХАННЕСБУРГ ЮАР.
08.11.2011 04:13:35
http://www.elbrusoid.org/phorum/index.php?action=v thread&forum=13&topic=15125
Былайда айтылгъан эди аны юсюнден. Айтылгъан бир джерге тюше барса иги боллукъ эди. Айтханынг а тюздю, Сагъид. Аллай джашларыбызгъа тюбемесек, кимге тюберикбиз. Халкъыбызны атын айтдыра, барыбызны да къууандыра, кёб джашасын. |
|
|
|
08.11.2011 04:57:42
Sabr,
тюз айтаса, бир жерге тюшсе иги боллугъун. Тукъумун изледим да, табмагъандан сора жаздым. Теманы модератор кетерип къойса, боллукъ эди. |
|
|
|
09.11.2011 22:24:10
|
||||
|
|
|||
Читают тему (гостей: 1)