- Кесинге джетмегенни, кёб сёлешме.
- Чомарт бергенин айтмаз.
- Окъугъан озар, окъумагъан тозар.
- Ёлюр джаннга, ёкюл джокъ.
- Ишленмеклик адамлыкъды.
- Къайгъы тюбю – тенгиз.
- Адебсиз адам – джюгенсиз ат.
- Сютню башын джалагъан къутулур, тюбюн ичген тутулур.
- Тойгъанлыкъ къойгъа джарашады.
- Къызны минг тилер, бир алыр.
- Сакъ юйюне сау барыр.
- Гырджын – тепсини тамадасы.
- Бермеген къол, алмайды.
- Джахил болса анасы, не билликди баласы?
- Джеринден айырылгъан – джети джылар, джуртундан айырылгъан – ёлгюнчю джылар.
- Ауузу аманнга «иги», деме.
- Ёлген эшек бёрюден къоркъмайды.
- Адеб базарда сатылмаз.
- Дженгил джетерикме деб, узун джолну къоюб, къысхасын барма.
- Джерни букъусу кёкге къонмаз.
- Чакъырылмай келген къонакъ сыйланмай кетер.
- Аш хазыр болса, иш харам болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Ата Джуртун танымагъан, атасын да танымаз.
- Тойгъан антын унутур.
- Джашынгы кесинг юретмесенг, джашау юретир.
- Сабий болмагъан джерде, мёлек болмаз.
- Кёкдеги болмаса, джердегин кёрмейди.
- Эл ауузу – элия.
- Ашхы болсанг, атынг чыгъар, аман болсанг, джанынг чыгъар.
- Аякъларынгы джууургъанынга кёре узат.
- Айранын берсенг, челегин да къызгъанма.
- Кёлсюзден сёзсюз тууар.
- Сёлеш деб шай берген, тохта деб, сом берген.
- Таукелге нюр джауар.
- Къолу уллу – асыу, аягъы уллу – джарсыу.
- Къайгъыны сюйген, къайгъы табар.
- Элде адам къалмаса, ит тахтагъа минер.
- Хар сёзню орну барды.
- Къулакъдан эсе, кёзге ышан.
- Нёгерсизни джолу узун.
- Бастасын ашагъан, хантусун да ичер.
- Босагъа таш юйге кирмей эди, тыбыр таш эшикге чыкъмай эди.
- Тынгылагъан тынгы бузар.
- Ачлыкъ отха секиртир.
- Гитче джилтин уллу элни джандырыр.
- Чомартха Тейри да борчлуду.
- Тёрде – темир таякълы, къаяда – чыпчыкъ аякълы.
- Гыдай эчки суугъа къараб, мюйюзле кёрмесе, джашма алкъын, дегенди.
- Джылыгъа джылан илешир.
[ Закрыто ] ЗАНКИШИЕВ КАЗБЕК КУБАДИЕВИЧ ИЗ ВЕРХНЕЙ ЖЕМТАЛЫ ЧИМПИОН МИРА ПО ДЗЮДО. ЙОХАННЕСБУРГ ЮАР.
|
http://www.elbrusoid.org/phorum/index.php?action=v thread&forum=13&topic=15125
Былайда айтылгъан эди аны юсюнден. Айтылгъан бир джерге тюше барса иги боллукъ эди. Айтханынг а тюздю, Сагъид. Аллай джашларыбызгъа тюбемесек, кимге тюберикбиз. Халкъыбызны атын айтдыра, барыбызны да къууандыра, кёб джашасын. |
|
|
|
|
|
Sabr,
тюз айтаса, бир жерге тюшсе иги боллугъун. Тукъумун изледим да, табмагъандан сора жаздым. Теманы модератор кетерип къойса, боллукъ эди. |
|
|
|
|
|
|
||||
|
|
|
|||
Читают тему (гостей: 1)