- Малны кют, джерни тюрт.
- Харам къарнашдан, халал тенг ашхы.
- Ёлген аслан – сау чычхан.
- Аууз сакълагъан – джан сакълар.
- Тешигини къатында, чычхан да батыр болур.
- Айырылгъанланы айю ашар, бёлюннгенлени бёрю ашар.
- Намыс сатылыб алынмайды.
- Чалманны аллы къалай башланса, арты да алай барады.
- Джюрек кёзден алгъа кёрюр.
- Ишленмеклик адамлыкъды.
- Чомарт джарлы болмаз.
- Адам къаллай бир ишленмесе, аллай бир кесин уллу кёреди.
- Джетген къыз джерли эшекни танымаз.
- Босагъа таш юйге кирмей эди, тыбыр таш эшикге чыкъмай эди.
- Къарт айтханны этмеген, къартаймаз.
- Билген билмегенни юретген адетди.
- Уллу суу бла уллу ауруудан башынгы сакъла.
- Къарнынг къанлынга кийирир.
- Экиндини кеч къылсанг, чабыб джетер ашхам.
- Тамчы таш тешер.
- Айтханы чапыракъдан ётмеген.
- Сормай – алма, чакъырылмай – барма.
- Ёнгкюч къууана барыр, джылай келир.
- Джаш болсун, къыз болсун, акъылы, саны тюз болсун.
- Тойгъа барсанг, тоюб бар, эски тонунгу къоюб бар.
- Юй кюйдю да, кюйюз чыкъды, ортасындан тюйюш чыкъды.
- Агъач халкъгъа алтынды, иссиликге салкъынды.
- Таугъа чыгъаллыкъ эсенг, тюзде къалма.
- Кёб джат да, бек чаб.
- Ач – эснер, ат – кишнер.
- Бичгенде ашыкъма, тикгенде ашыкъ.
- Сёз къанатсыз учар.
- Ачылгъан эт джабылыр, кёрген кёз унутмаз.
- Азыгъы аз, алгъа къабар, аты аман, алгъа чабар.
- Суугъа – чабакъ, къаягъа – ыргъакъ.
- Къуллукъчума, деб махтанма, къуллукъ – хаух джамчыды!
- Урунуу – насыбны анасы.
- Тамбла алтындан бюгюн багъыр ашхы.
- Чакъырылмагъан къонакъ тёрге атламаз.
- Атадан ёксюз – бир ёксюз, анадан ёксюз – эки ёксюз.
- Эр сокъур болсун, къатын тилсиз болсун.
- Ауругъаннга – кийик саулукъ, джетген къызгъа – чилле джаулукъ.
- Чомартны къолун джокълукъ байлар.
- Бал ашаргъа сюе эсенг, чибин ургъаннга тёз.
- Сагъыш – къартлыкъгъа сюйюмчю.
- Тилде сюек болмаса да, сюек сындырыр.
- Ёгюзню мюйюзюнден тутадыла, адамны сёзюнден тутадыла.
- Чакъырылгъанны аты, чакъырылмагъанны багъасы болур.
- Къызын тута билмеген, тул этер, джашын тута билмеген, къул этер.
- Аман къатын алгъан, арыр, иги къатын алгъан джарыр.
[ Закрыто ] ЗАНКИШИЕВ КАЗБЕК КУБАДИЕВИЧ ИЗ ВЕРХНЕЙ ЖЕМТАЛЫ ЧИМПИОН МИРА ПО ДЗЮДО. ЙОХАННЕСБУРГ ЮАР.
08.11.2011 04:13:35
http://www.elbrusoid.org/phorum/index.php?action=v thread&forum=13&topic=15125
Былайда айтылгъан эди аны юсюнден. Айтылгъан бир джерге тюше барса иги боллукъ эди. Айтханынг а тюздю, Сагъид. Аллай джашларыбызгъа тюбемесек, кимге тюберикбиз. Халкъыбызны атын айтдыра, барыбызны да къууандыра, кёб джашасын. |
|
|
|
08.11.2011 04:57:42
Sabr,
тюз айтаса, бир жерге тюшсе иги боллугъун. Тукъумун изледим да, табмагъандан сора жаздым. Теманы модератор кетерип къойса, боллукъ эди. |
|
|
|
09.11.2011 22:24:10
|
||||
|
|
|||
Читают тему (гостей: 1)