- Къралынгы – душмандан, башынгы от бла суудан сакъла.
- Игилик игилик бла сингдирилиучю затды.
- Иги адам абынса да, джангылмаз.
- Ойнай билмеген, уруб къачар.
- Джыгъылгъанны сырты джерден тоймаз.
- Сабыр джетер муратха, сабырсыз къалыр уятха.
- Адамны артындан къара сабан сюрме.
- Тынгылагъан тынгы бузар.
- Ачлыкъда тары гырджын халыуадан татлы.
- Мал ёлсе, сюек къалыр, адам ёлсе, иши къалыр.
- От кюйдюрген, сау болса да, тот кюйдюрген, сау болмаз.
- Дуния аламаты сен эсенг да, игиме деб айтма.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ариу сёз – джаннга азыкъ, аман сёз – башха къазыкъ.
- Чомарт бергенин айтмаз.
- Ашыкъгъанны этеги бутуна чырмалыр.
- Джаш болсун, къыз болсун, акъылы, саны тюз болсун.
- Ёзденликни кёбю ётюрюк.
- Ашда – бёрю, ишде – ёлю.
- Эшекге миннген – биринчи айыб, андан джыгъылгъан – экинчи айыб.
- Биреуге аманлыкъны тилеме да, кесинге ашхылыкъны тиле.
- Джаз бир кюнню джатсанг, къыш талай кюнню абынырса.
- Къызны минг тилер, бир алыр.
- Аман адамны тепсинге олтуртсанг, къызынгы тилер.
- Ана къойну – балагъа джандет.
- Алтыда кюлмеген, алтмышда кюлмез.
- Кесине гебен этелмеген, биреуге черен эте эди.
- Байны оноуу, джарлыгъа джарамаз.
- Бетинги сатма, малынгы сат.
- Ач да бол, токъ да бол – намысынга бек бол.
- Кёбден умут этиб, аздан къуру къалма.
- Босагъагъа джууукъ орун болса, ашыгъыб тёрге озма.
- Хатерли къул болур.
- Сескекли кесин билдирир.
- Къумурсхала джыйылсала, пилни да джыгъадыла.
- Элде адам къалмаса, ит тахтагъа минер.
- Къатын къылыкъсыз, эр тынчлыкъсыз.
- Чакъырылгъанны аты, чакъырылмагъанны багъасы болур.
- Таякъ этден ётер, тил сюекден ётер.
- Джаралыны джастыгъында сау ёлюр.
- Экеу тутушса, биреу джыгъылыр.
- Ауузу аманнга «иги», деме.
- Ауругъанны сау билмез, ач къарынны токъ билмез.
- Ишни ахырын ойламай, аллын башлама.
- Чомартны къолу берекет.
- Тойгъа барсанг, тоюб бар, эски тонунгу къоюб бар.
- Тешигини къатында, чычхан да батыр болур.
- Бал чибинни ургъаны – ачы, балы – татлы.
- Малны кют, джерни тюрт.
- Къызгъанчдан ычхыныр, мухардан ычхынмаз.
Возродимся Духом, или грош нам цена (О возрождении аула Схауат!!!!!)
|
Цитата:- возможно проект будет интересен нашему фонду. Как я понял легче будет самому восстановить.
|
||||
|
|
|
|||
Читают тему (гостей: 1)