- Башынга джетмегенни сорма.
- Ашхы сёз таш тешер.
- Азыгъы аз, алгъа къабар, аты аман, алгъа чабар.
- Къралынгы – душмандан, башынгы от бла суудан сакъла.
- Джол бла сёзню къыйыры джокъ.
- Ёлген эшек бёрюден къоркъмайды.
- Къызны минг тилер, бир алыр.
- Тёзгеннге, джабылгъан эшик ачылыр.
- Арбаз къынгырды да, ийнек сауалмайма.
- Къонакъ кёб келюучю юйню, къазаны отдан тюшмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джерни букъусу кёкге къонмаз.
- Байлыкъ болгъан джерде, тынчлыкъ джокъду.
- Махтаннган къыз, тойда джукълар.
- Эркиши – от, тиширыу – суу.
- Айраннга суу къош, телиге джол бош.
- Къуру гыбыт бек дыгъырдар.
- Кесинг сынамагъан затны, адамгъа буюрма.
- Сабийни джумушха джибер да, ызындан бар.
- Ач къалгъандан, кеч къалгъан къолай.
- Ушамагъан – джукъмаз.
- Сакъ юйюне сау барыр.
- Гугук кесини атын айтыб къычыргъанча, мен, мен деб нек тураса?
- Акъыллы башны – тили къысха.
- Таукел адам тау тешер.
- Кёз – сюйген джерде, къол – ауругъан джерде.
- Элиб деген, элге болушур.
- Кесине гебен этелмеген, биреуге черен эте эди.
- Адамны адамлыгъы къыйынлыкъда айгъакъланады.
- Эшекни не къадар тюйсенг да, ат болмаз.
- Аман адамны тепсинге олтуртсанг, къызынгы тилер.
- Шапа кёб болса, аш татымсыз болур.
- Тёрдеги кюлсе, эшикдеги ышарыр.
- Ишлегенде эринме, ишде чолакъ кёрюнме.
- Ачылгъан эт джабылыр, кёрген кёз унутмаз.
- Аман къатын сабий табса, бий болур…
- Намыс сатылыб алынмайды.
- Атынг аманнга чыкъгъандан эсе, джанынг тамагъынгдан чыкъсын.
- Адамны аманы адамны бети бла ойнар.
- Джюз элде джюз ёгюзюм болгъандан эсе, джюз джууугъум болсун.
- Гитче джилтин уллу элни джандырыр.
- Адамгъа аман кюн соруб келмейди.
- Тил джюрекге джол ишлейди.
- Соргъан айыб тюлдю, билмеген айыбды.
- Къазанда болса, чолпугъа чыгъар.
- Хар зат кесини орнуна иги.
- Иши джокъну, сыйы джокъ.
- Къан бла кирген, джан бла чыгъар.
- Ач къарынны, токъ билмез
- Кёбге таш атма.
Возродимся Духом, или грош нам цена (О возрождении аула Схауат!!!!!)
28.08.2011 10:39:16
Цитата:- возможно проект будет интересен нашему фонду. Как я понял легче будет самому восстановить.
|
||||
|
|
|||
Читают тему (гостей: 1)