- Эркишини аманы тиширыуну джылатыр.
- Телиге акъыл салгъандан эсе, ёлгеннге джан салырса.
- Кийиминг бла танылма, адамлыкъ бла таныл.
- Келинни – келгинчи, бёркню кийгинчи кёр.
- Хансыз джомакъ болмаз.
- Иги сеники эсе да, сюйген кесимикин этеме.
- Эм ашхы къайын ана мамукъ бла башынгы тешер.
- Ётген ёмюр – акъгъан суу.
- Ишни ахырын ойламай, аллын башлама.
- Суу ичген шауданынга тюкюрме.
- Айтхан сёзюне табылгъан.
- Эки къатын алгъанны къулагъы тынгнгаймаз.
- Ата – билек, ана – джюрек!
- Адам туугъан джеринде, ит тойгъан джеринде.
- Къыйынлы джети элге оноу этер.
- Айраннга суу къош, телиге джол бош.
- Баш болса, бёрк табылыр.
- Минг тенг да азды, бир джау да кёбдю.
- Берекет берсин деген джерде, берекет болур.
- Чакъырылмай келген къонакъ сыйланмай кетер.
- Аманнга да, игиге да оноусуз къатышма.
- Ана къолу ачытмаз.
- Джангыз терек къынгыр ёсер.
- Алтыннга тот къонмаз.
- Ачлыкъда тары гырджын халыуадан татлы.
- Сакъалы текени да бар, мыйыгъы киштикни да бар.
- Тойгъан джерге джети къайт.
- Ышармагъан – кюлмез, кюлмеген – къууанчны билмез.
- Орундукъ тюбюнде атылсам да, орта джиликме, де да айлан.
- Биреуню эскиси биреуге джангы болмайды.
- Джаш къарыу бла кючлю, къарт акъыл бла кючлю.
- Джаралыны джастыгъында сау ёлюр.
- Аш хазыр болса, иш харам болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къоркъакъны кёзю экили кёрюр.
- Асхат ашлыкъ сата, юйдегиси ачдан къата.
- Телиге от эт десенг, юйюнге от салыр.
- Этни бети бла шорпасы.
- Арбаз сайлама да, хоншу сайла.
- Тенги кёбню джау алмаз, акъылы кёбню дау алмаз.
- Башсыз урчукъ тюзюне айланмаз.
- Керилген да, ургъан кибикди.
- Ата джурт – алтын бешик.
- Гитче джилтин уллу элни джандырыр.
- Хазыр ашха – терен къашыкъ.
- Айран тёгюлсе, джугъусу къалыр.
- Ёлген эшек бёрюден къоркъмайды.
- Таукелге нюр джауар.
- Шапа кёб болса, аш татымсыз болур.
- Алим болгъандан эсе, адам болгъан къыйынды.
Возродимся Духом, или грош нам цена (О возрождении аула Схауат!!!!!)
28.08.2011 10:39:16
Цитата:- возможно проект будет интересен нашему фонду. Как я понял легче будет самому восстановить.
|
||||
|
|
|||
Читают тему (гостей: 1)