- Кёзю сокъурдан – къоркъма, кёлю сокъурдан – къоркъ.
- Байлыкъ болгъан джерде, тынчлыкъ джокъду.
- Суугъа – чабакъ, къаягъа – ыргъакъ.
- Эркишиге тары кебек танг кёрюнюр.
- Ётюрюкню башын керти кесер.
- Ат басханны джер билед.
- Илму – джашауну джолу.
- Аманнга игилик этсенг, юйюнге сау бармазса.
- Тюзню ётмеги тюзде къалса да, тас болмаз.
- Абынмазлыкъ аякъ джокъ, джангылмазлыкъ джаякъ джокъ.
- Ачыкъ джюрекге джол – ачыкъ.
- Аш иеси бла татлыды.
- Атадан ёксюз – бир ёксюз, анадан ёксюз – эки ёксюз.
- Эл бла кёргенинг эрелей.
- Тюкюрюк баш джармаз, налат кёз чыгъармаз!
- Хоншуну тауугъу къаз кёрюнюр, келини къыз кёрюнюр.
- Адам къаллай бир ишленмесе, аллай бир кесин уллу кёреди.
- Къарнынг къанлынга кийирир.
- Аш кетер да бет къалыр.
- Чакъырылмагъан къонакъ тёрге атламаз.
- Эшекге миннген – биринчи айыб, андан джыгъылгъан – экинчи айыб.
- Акъыллы айтыр эди, акъылсыз къоймайды.
- Шапа кёб болса, аш татымсыз болур.
- Ашда – бёрю, ишде – ёлю.
- Иши джокъну, сыйы джокъ.
- Къазанны башы ачыкъ болса, итге уят керекди.
- Тилчиден кери бол.
- Азыкълы ат арымаз, къатыны аман джарымаз.
- Кёбню кёрген – кёб билир.
- Аманны эки битли тону болур, бирин сеннге кийдирир, бирин кеси киер.
- Узун джолну барсанг, бюгюн келирсе, къысха джолну барсанг, тамбла келирсе.
- Къонакъ болсанг, ийнакъ бол.
- Сабийни джумушха джибер да, ызындан бар.
- Юйюнгден чыкъдынг – кюнюнгден чыкъдынг.
- Юреннген ауруу къалмаз.
- Ата – баланы уясы.
- Тёзгеннге, джабылгъан эшик ачылыр.
- Байдан умут эте, джарлыдан ёгюз багъасы къорады.
- Къыз келсе, джумуш эте келеди, къатын келсе, ушакъ эте келеди.
- Ач келгенни – тойдур, кеч келгенни – къондур.
- Айтылгъан буйрукъ, сёгюлмез
- Акъыл неден да кючлюдю.
- Ёмюрлюк шохлукъну джел элтмез.
- Ашлыкъны арба юйге келтирир, чана базаргъа элтир.
- Эки къатын алгъан – эки ташны ортасына башын салгъан.
- Джылкъыдан – ат чыгъар, тукъумдан – джаш чыгъар.
- Джогъун бар этген, барын бал этген.
- Ким бла джюрюсенг, аны кёзю бла кёрюнюрсе.
- Биреуге аманлыкъны тилеме да, кесинге ашхылыкъны тиле.
- Кесине оноу эте билмеген, халкъына да эте билмез.
Езден адет-этический кодекс Карачаево-Балкарского народа (отрывки из книги).
28.10.2006 06:15:54
interesno skolko procentov, molodegi, ne to, chto sobludaut, a elementarno znaut eti veshi???
|
|
|
|
28.10.2006 20:08:48
Ванхельсинг
desperado09@inbox.ru |
|
|
|
31.10.2006 16:26:02
Ниже даются краткие характеристики семи основных типов людей, как они определяются и называются в народе.
|
|
|
|
Читают тему (гостей: 1)