Билим къая тешер.
Алгъанда – джууукъ, бергенде – джау.
Акъыл къартда, джашда тюйюлдю – башдады.
Оюмсуз атлагъан, аджалсыз ёлюр.
Хазыр ашха – терен къашыкъ.
Айныгъанлы алты кюн, тогъайгъанлы тогъуз кюн.
Ашда уялгъан – мухар, ишде уялгъан – хомух.
Кёб ант этген, кёб ётюрюк айтыр.
Бёрю да ач къалмасын, эчки да ашалмасын.
Аман эсирсе, юйюн ояр.
Тил джюрекге джол ишлейди.
Билмейме деген – бир сёз
Эртде тургъан бла эртде юйленнген сокъуранмаз.
Ханнга да келеди хариблик.
Чакъырылгъанны аты, чакъырылмагъанны багъасы болур.
Босагъа таш юйге кирмей эди, тыбыр таш эшикге чыкъмай эди.
Ёнгкюч къууана барыр, джылай келир.
Кюлме джашха – келир башха.
Адеби болмагъан къыз – тузсуз хант.
Бети къызарыучу адамны, джюреги харам болмаз.
Акъыл бла адеб эгизледиле.
Узун джолну барсанг, бюгюн келирсе, къысха джолну барсанг, тамбла келирсе.
Джигер – джаннга къыйынлыкъ.
Телиге акъыл салгъандан эсе, ёлгеннге джан салырса.
Къыз чыгъаргъан – къызыл къымжа.
Тойгъандан сора, ашны сёкме.
Сабий кёргенин унутмаз.
Ашхы сёз таш тешер.
Ашына кёре табагъы, балына кёре къалагъы.
Чомартны къолу берекет.
Магъанасыз сёз – тауушсуз сыбызгъы.
Ата – баланы уясы.
Суугъа – чабакъ, къаягъа – ыргъакъ.
Акъыл аздырмаз, билим тоздурмаз.
Акъыллы башны – тили къысха.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джашлыкъ этмеген, башлыкъ этмез.
Тенгинг джокъ эсе – изле, бар эсе – сакъла!
Окъугъан озар, окъумагъан тозар.
Сёз къанатсыз учар.
Олтуруб кёрюнмей эди да, ёрге туруб кёрюне эди.
Мен да «сен», дейме, сен да «кесим», дейсе.
Ким бла джюрюсенг, аны кёзю бла кёрюнюрсе.
Минг тенг да азды, бир джау да кёбдю.
Ёлген ийнек сютлю болур.
Адамны бетине къарама, адетине къара.
Бет бетге къараса, бет да джерге къарар.
Уллу айтханны этмеген – уллаймаз.
Кенгеш болса, уруш болмаз.
Сабыр джетер муратха, сабырсыз къалыр уятха.
устами младенца, как известно 