Расширенный поиск
2 Декабря  2023 года
Логин: Регистрация
Пароль: Забыли пароль?
  • Таукел адам тау тешер.
  • Акъыл бла адеб эгизледиле.
  • Эки ойлашыб, бир сёлешген.
  • Ёлген эшек бёрюден къоркъмайды.
  • Иги джашны ышаны – аз сёлешиб, кёб тынгылар.
  • Чабакъгъа акъыл, табагъа тюшсе келеди.
  • Босагъа таш юйге кирмей эди, тыбыр таш эшикге чыкъмай эди.
  • Чомарт къолда мал къалмаз.
  • Тюзню ётмеги тюзде къалса да, тас болмаз.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Азыкъ аз болса, эртде орун сал.
  • Кенгеш болса, уруш болмаз.
  • Бети къызарыучу адамны, джюреги харам болмаз.
  • Тели турса – той бузар.
  • Сыфатында болмагъаны, суратында болмаз.
  • Джаш болсун, къыз болсун, акъылы, саны тюз болсун.
  • Ашхы болсанг, атынг чыгъар, аман болсанг, джанынг чыгъар.
  • Иги адам абынса да, джангылмаз.
  • Адеб этмеген, адеб кёрмез.
  • Телиге акъыл салгъандан эсе, ёлгеннге джан салырса.
  • Аджашханны ызындагъы кёреди, джангылгъанны джанындагъы биледи.
  • Ичимден чыкъды хата, къайры барайым сата?
  • Акъыллы эркиши атын махтар, акъылсыз эркиши къатынын махтар.
  • Тиширыусуз юй – отсуз от джагъа.
  • Керилген да, ургъан кибикди.
  • Джуртун къоругъан озар.
  • Бал чибинни ургъаны – ачы, балы – татлы.
  • Оюмсуз атлагъан, аджалсыз ёлюр.
  • Урунуу – насыбны анасы.
  • Бетинги сатма, малынгы сат.
  • Тенгинг джокъ эсе – изле, бар эсе – сакъла!
  • Элге къуллукъ этмеген, элге ие болмаз.
  • Ашха уста, юйюнде болсун
  • Кёзню ачылгъаны – иги, ауузну джабылгъаны – иги.
  • Халкъны юйю – туугъан джери.
  • Эл тойса, тоймагъан, эл къойса, къоймагъан.
  • Эринчекни аурууу – кёб.
  • Кёзден кетген, кёлден да кетеди.
  • Ишленмеген джаш – джюгенсиз ат, ишленмеген къыз – тузсуз хант.
  • Элиб деген, элге болушур.
  • Баш болса, бёрк табылыр.
  • Къазанда болса, чолпугъа чыгъар.
  • Ауурну тюбю бла, дженгилни башы бла джюрюген.
  • Билим къая тешер.
  • Айранны сюйген, ийнек тутар.
  • Кютгени беш эчки, сызгъыргъаны уа, джерни джарады.
  • Атлыны кёрсе, джаяуну буту талыр.
  • Окъугъан – асыу, окъумагъан – джарсыу.
  • Джумушакъ сёз къаты таякъны сындырыр.
  • Къонагъы джокъну – шоху джокъ.

Шохлукъ! Джаш тёлю! Кавказ!

10.07.2014 1 2605  Ёзденланы А.
"Шохлукъ! Джаш телю! Кавказ!" 
Ма быллай сёзле бла башланнган эди Луккур айны 26-28-де  Ставрополь шахарда ётген халкъла арасы «Кавказда студентлени джазы» деген фестивалы.

  
Бу ишни баджаргъан, къурашдырыб бардыргъан Ставрополь крайны администрациясы, Эресейни джаш тёлюсюню союзу эмда Ставрополь шахарны администрациясы болгъандыла. 

Бу фестивалгъа джаш тёлюден бютеу Кавказны республикаларындан 350 адам къатышхандыла, аны бла къалмай Къыбыла Тегей республикадан да келгендиле къонакъла. Фестивалны программасы эки кюннге юлешиниб эди. Ол кюнледе иш, окъуу, экскурсиялыкъ, дагъыда концерт бёлюмле болгъандыла. Фестивалны иши керти да бек джарыкъ, джылы халда ётдю.
Фестиваль кеси Луккур айны 26-да беш сагъатда ачылды. Ставрополь шахарны маданият эм спорт къаласыны аллында хар Кавказ миллетни къонакъ юйлери орналгъан эдиле. 


Кавказ республикаланы эмда Къыбыла Тегей республиканы халкъларыны адамлары келген къонакъланы кеслерини халкъ адетлери, ашарыкълары, киймлери бла танышдыра эдиле. Былайда болмагъан зат джокъ эди: Дагъыстандан талай тюрлю хантларындан башлаб, Къабарты-Малкъар республиканы татлы ашлары, аны бла къалмай Чечен республикадан топракъ сауутла, Карачай-Черкес республиканы халкъ кийимлери д.б. 


Озгъан фестивалда Къарачай-Черкес республиканы атын айтдыра баргъанла Алийланы Умар атлы Къарачай-Черкес кърал университет эмда Шимал Кавказны кърал гуманитар-техника академияны (СКГГТА) студентлери болдула. Делегациягъа башчылыкъ этген Байчораланы Динислам эди.

Байчораланы Динислам

Энди кесибиз анда ётдюрген заманны юсюнден хапар айтайыкъ. 

Бизни делегация он сагъат бола Черкесск шахардан чыгъыб, кюндюз эки сагъатда «Ставрополь» къонакъ юйню арбазына джыйылды. Анда бизни аллыбызгъа фестивалны бардыргъанла бла джаш тёлюден волонтерла хошкелдиге чыкъдыла. Кечирек, ол къонакъ юйню мекямында бизни бирер орунлу бёлюмлеге ие этдиле. Бир кесек организация джумушланы тындыргъандан сора бизни эм сейир - «Мастер-класс» деген ишге чакъырдыла. Ставрополну  маданият эм спорт къаласында (МСКъ) алайгъа джыйылгъан адамла вокал бла хореографиядан белгили устазланы дерслерине джюрюдюле. 


Биз Орусланы Лейла бла берилген вокал мастер-класс дерсге бардыкъ. Тюзюн айтсакъ, кёргенибизге бек сейирсиниб тынгыладыкъ, керти да кеслерини ишлерин кескин билген устазла бизге вокал ауазланы ачыкъ этдиле. Андан чыгъар-чыкъмаз, ол МСКъ дегенни аллында, "Халкъ юйле" ачылдыла.

Орусланы Лейла

Ол кюнню къалгъан джарымын, таб экинчи кюнню да репетицияла бла адамла сайлауда ашырдыла, нек десегиз, бу фестиваль уллу той-оюн, джырла бла джабыллыкъ эди. Ол заманчыкъны кесек къыйналыб ётдюрсек да, бу баргъан фестивалны уллу сыйы болгъаны себебли, къарыуубуздан келгенича миллетибизни атын айтдырыргъа кюрешдик. 


Фестивалны ахыр кюню джетгенлей, биз барыбыз да «Крепостная гора» (ана тилде - «Къалалы тау») деген джерге джыйылдыкъ, тёзюмсюз болуб, сахнагъа чыгъар кёзюуюбюз джетер заманны сакълаб турдукъ. Тюзде, башха республикаладан баргъан джырчыла эмда тепсеу коллективле  фахмуларын бек иги джанындан кёргюзтген эдиле. Кесибизни махтагъанлыгъыбыз тюлдю, алай а бизни делегация да башхаланы арасында тыйыншлы, адам ыйлыкъмазча орун алгъан эди. Унутхунчу айтыб къояйым, «биз» атлы къауумгъа бу адамла киргендиле: Орусланы Лейла, энчи джыры бла «Симпл зе бест» (Simple the best), тепсеу коллектив «Дружба», кеслери да ногъай халкъ тепсеуню кёргюзтген эдиле, эмда сизни авторугъуз, Ёзденланы Амина.

Ёзденланы Аминат

Алайгъа джыйылгъан адамла бизни кёргюзтген джыр-тепсеулерибизни таза джюрекден алгъанларына, бизге  къаты харс уруб, кесибизни да ашхы сезимледен толтуруб ашыргъанларына бек къууаннган, сейирсинген да этдим. Оюмум терс, тюз эсе да билмейме, алай а республикабызны ариу джанындан кёргюзтюб кетдик деб кёлюме келеди.

Ёзденланы А.
Къарачай шахар
(Голосов: 6, Рейтинг: 5)

  • Нравится

Комментарии (1)

    Джаратама2
    къарачайлы
    12.07.2014 00:03:20
    Аферим, алай таза, ариу къарачай тилде джарашдырыб джаза билген къызыбызгъа, уллу бюсюреу этеме;)