Песен: 8 Создан:
06.05.2015 Обновлен:
27.11.2017
| 25 Апреля | 2024 года |
Навигация
- Сакъламагъан затынга джолукъсанг, не бек къууанаса, не бек ачыйса.
- Айырылмаз джууугъунга, унутмаз сёзню айтма.
- Кийимни бичсенг, кенг бич, тар этген къыйын тюлдю.
- Билгенни къолу къарны джандырыр.
- Татлы сёз – балдан татлы.
- Кёбге таш атма.
- Юреннген ауруу къалмаз.
- Акъыллы башны – тили къысха.
- Иги адам абынса да, джангылмаз.
- Рысхысына кёре, джаш ёсер, къышлыгъына кёре, мал ёсер.
- Сёз – кюмюш, джыр – алтын.
- Мал тутхан – май джалар.
- Ариу сёз джыланны орнундан чыгъарыр.
- Байлыкъ болгъан джерде, тынчлыкъ джокъду.
- Биреу ашаб къутулур, биреу джалаб тутулур.
- Аманны къуугъан, аманлыкъ табар.
- Таш бла ургъанны, аш бла ур.
- Джарлыны эшигин махтагъан джабар.
- Къыз келсе, джумуш эте келеди, къатын келсе, ушакъ эте келеди.
- Джашны джигитлиги сорулур, къызны джигерлиги сорулур.
- Юйюнгден чыкъдынг – кюнюнгден чыкъдынг.
- Биреуге аманлыкъ этиб, кесинге игилик табмазса.
- Таукел къуру къалмаз.
- Адам сёзюнден белгили.
- Уллу атлама – абынырса, уллу къабма – къарылырса.
- Уясында не кёрсе, учханында аны этер.
- Сагъышы джокъ – джукъучу, акъылы джокъ – къаугъачы.
- Арпа, будай – ащды, алтын, кюмюш а – ташды.
- Билеги кючлю, бирни джыгъар, билими кючлю, мингни джыгъар.
- Сибиртки да сыйлы болду, кюрек да кюнлю болду.
- Ишни аллы бла къууанма да, арты бла къууан.
- Тюз сёз баргъан сууну тыяр.
- Юй ишлеген балта эшикде къалыр.
- Биреуню эскиси биреуге джангы болмайды.
- Келинин тута билмеген, къул этер, къызын тута билмеген, тул этер.
- Ётюрюк хапар аякъ тюбю бла джюрюйдю.
- Ач къарным, тынч къулагъым.
- Суугъа – чабакъ, къаягъа – ыргъакъ.
- Тюзлюк шохлукъну бегитир.
- Ёлген аслан – сау чычхан.
- Кесинг сынамагъан затны, адамгъа буюрма.
- Тилсиз миллет джокъ болур.
- Байны къызы баймакъ болса да, юйде къалмаз!
- Хата – гитчеден.
- Бозанг болмагъан джерге, къалагъынгы сукъма.
- Тилчи бир сагъатха айлыкъ хата этер.
- Ач къарынны, токъ билмез
- Эр сокъур болсун, къатын тилсиз болсун.
- Тойгъан джерден туугъан джер игиди.
- Джарашыу сюйген – джалынчакъ.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
