Расширенный поиск
5 Августа  2021 года
Логин: Регистрация
Пароль: Забыли пароль?
  • Чомартха Тейри да борчлуду.
  • Эр абынмай, эл танымаз.
  • Намыс болмагъан джерде, насыб болмаз.
  • Тил – кесген бычакъ, сёз – атылгъан окъ.
  • Зар адам ашынгы ашар, кесинги сатар.
  • Джылкъыдан – ат чыгъар, тукъумдан – джаш чыгъар.
  • Къанны къан бла джуума, аманны аман бла къуума.
  • Кёбге таш атма.
  • Этек чакъмакълары баш джаргъан, сёлешген сёзлери таш джаргъан.
  • Сакъалы текени да бар, мыйыгъы киштикни да бар.
  • Джарлы тюеге минсе да, ит къабар.
  • Къарнынг къанлынга кийирир.
  • Къыйынлы джети элге оноу этер.
  • Кёлю джокъну – джолу джокъ.
  • Ауругъанны сау билмез, ач къарынны токъ билмез.
  • Тили узунну, намысы – къысха.
  • Ётген ёмюр – акъгъан суу.
  • Эртде тургъан джылкъычыны эркек аты тай табар.
  • Ауузу бла къуш тута айланады.
  • Эшекге миннген – биринчи айыб, андан джыгъылгъан – экинчи айыб.
  • Аман къатын алгъан, арыр, иги къатын алгъан джарыр.
  • Байдан умут эте, джарлыдан ёгюз багъасы къорады.
  • Джети тилни билген джети кишиди.
  • Танг атмайма десе да, кюн къоярыкъ тюйюлдю.
  • Ёксюзню тилеги къабыл болур.
  • Мени джылытмагъан кюн, меннге тиймесин!
  • Ёлген эшек бёрюден къоркъмайды.
  • Къонакъ хазыр болгъанлыкъгъа, къонакъбай хазыр тюлдю.
  • Бек анасы джыламаз.
  • Кёпюр салгъан кеси ётер, уру къазгъан кеси кетер.
  • Сакъ юйюне сау барыр.
  • Джаш болсун, къыз болсун, акъылы, саны тюз болсун.
  • Уясында не кёрсе, учханында аны этер.
  • Ауурну тюбю бла, дженгилни башы бла джюрюген.
  • Хар зат кесини орнуна иги.
  • Асхат ашлыкъ сата, юйдегиси ачдан къата.
  • Телини эшигин, махтау джабар.
  • Ёпкелегенни ашы татлы болады.
  • Ётюрюкню башын керти кесер.
  • Артына баргъанны, къатына барма.
  • Эли джокъну – кёлю джокъ.
  • Суу кетер, таш къалыр.
  • Башы джабылгъан челекге, кир тюшмез.
  • Аш берме да, къаш бер.
  • Келгинчи, къонакъ уялыр, келгенден сора, къонакъбай уялыр.
  • Адебни адебсизден юрен.
  • Байма, деб да, къууанма, джарлыма, деб да, джылама.
  • Чакъырылмагъан къонакъ тёрге атламаз.
  • Керти сёзге тёре джокъ.
  • Тюзлюк тас болмайды.
  • Къарча (ансамбль) Боз алаша
(Голосов: 1, Рейтинг: 5)

Описание

Дата: 17.02.2014
Прослушиваний: 862
Скачиваний: 43
Размер: 7.68 МБ
Текст песни:
муз. и сл. народные

Ой, алаша, боз алаша, ойра-ой!
Чаришге чабсанг, оз, алаша, ойра-ой!
Озалмасанг, артха келчин, ойра-ой!
Джаммызынгы тарта келчи, ойра-ой!

Мени алашам - боз хорады, (ой, алаша, боз алаша)
Аны ким да нек сорады, (ой, алаша, боз алаша)
Алашамы джангыз тюгю,  (ой, алаша, боз алаша)
Сыртындагъы кертме джюгю! (ой, алаша, боз алаша)

Таш макъалай туякъларынг, ойра-ой!
От чагъады аякъларынг, ойра-ой!
Ырышхысынг, къулакъларынг, ойра-ой!
Темир юзед шыякъларынг, ойра-ой!

Мени алашам - къыргъыз джоргъа, (ой, алаша, боз алаша)
Секиреди аршын джаргъа, (ой, алаша, боз алаша)
Эй, машалла, боз алаша, (ой, алаша, боз алаша)
Ой, алаша, боз алаша! (ой, алаша, боз алаша)

Мени алашам - аллай бозду, ойра-ой!
Халкъ чаришде барын озду, ойра-ой!
Эй, машалла, боз алаша, ойра-ой!
Кёз тиймесин, джюз джыл джаша, ойра-ой! 

Комментариев нет

  • Зарегистрируйтесь чтобы пользоваться плейлистом.