Аудио :: Аудио:: Токов Мурат

Уллу суу бла уллу ауруудан башынгы сакъла.
Дууулдаса – бал чибин, къонса – къара чибин.
Билеги кючлю, бирни джыгъар, билими кючлю, мингни джыгъар.
Сёз къанатсыз учар.
Чабакъ башындан чирийди.
Ачыу алгъа келсе, акъыл артха къалады.
Эки къатын алгъан – эки ташны ортасына башын салгъан.
Билим къая тешер.
Джырчы ёлсе, джыры къалыр.
Мураты болгъанны джюрек тебюую башхады.
Акъыл аздырмаз, билим тоздурмаз.
Джарлы эскисин джамаса, къууаныр.
Эл тойса, тоймагъан, эл къойса, къоймагъан.
Чыкълы кюнде чыкъмагъан, чыкъса къуру кирмеген.
Уруну арты – къуру.
Башсыз урчукъ тюзюне айланмаз.
Чомартны къолун джокълукъ байлар.
Тюзлюк тас болмайды.
Адамны бетине къарама, адетине къара.
Ата Джуртча джер болмаз, туугъан элча эл болмаз.
Этек чакъмакълары баш джаргъан, сёлешген сёзлери таш джаргъан.
Эм уллу байлыкъ – джан саулукъ.
Ариу джол аджал келтирмез.
Джаханимни кёрмей, джандетге кёл салмазса.
Аманнга да, игиге да оноусуз къатышма.
Ишлерге уял да, ашаргъа табма.
Джыйырма къойну юч джыйырма эбзе кюте эди.
Къыз келсе, джумуш эте келеди, къатын келсе, ушакъ эте келеди.
Аманнга алтын чыдамаз.
Ашлыкъ – бюртюкден, джюн – тюкден.
Кёл – къызбай, къол – батыр.
Элни кючю – эмеген.
Сабийликде юретмесенг, уллу болса – тюзелмез.
Ёлюр джаннга, ёкюл джокъ.
Джашынгы кесинг юретмесенг, джашау юретир.
Ачыкъ джюрекге джол – ачыкъ.
Къонакъ кёб келюучю юйню, къазаны отдан тюшмез.
Аманнга игилик этсенг, юйюнге сау бармазса.
Хар сёзню орну барды.
Адам боллукъ, атламындан белгили болур.
Хоншуну тауугъу къаз кёрюнюр, келини къыз кёрюнюр.
Таукел тауну аудурур.
Биреу ашаб къутулур, биреу джалаб тутулур.
Джолунга кёре – джюрюшюнг, джагъанга кёре – юлюшюнг.
Тай асырагъан, атха минер.
Тёрдеги кюлсе, эшикдеги ышарыр.
Аджалсыз ёлюм болмаз.
Тешигини къатында, чычхан да батыр болур.
Байны оноуу, джарлыгъа джарамаз.
Тыш элде солтан болгъандан эсе, кесинги элде олтан болгъан игиди!

Логин:	Регистрация

Пароль:	Забыли пароль?

Запомнить меня

Аудио

Токов Мурат

Скачать

Адрес