Расширенный поиск
22 Октября 2018 года
Логин: Регистрация
Пароль: Забыли пароль?
Навигация
Словарь
  • Джылыгъа джылан илешир.
  • Кёзню ачылгъаны – иги, ауузну джабылгъаны – иги.
  • Джол бла сёзню къыйыры джокъ.
  • Къонакъ аман болса, къонакъбай джунчур
  • Сёз сёзню айтдырыр.
  • Байны къызы баймакъ болса да, юйде къалмаз!
  • Тюз сёз баргъан сууну тыяр.
  • Кесине оноу эте билмеген, халкъына да эте билмез.
  • Абынмазлыкъ аякъ джокъ, джангылмазлыкъ джаякъ джокъ.
  • Ашхы адам – халкъ байлыгъы, ашхы джер – джашау байлыгъы.
  • Бозанг болмагъан джерге, къалагъынгы сукъма.
  • Гугук кесини атын айтыб къычыргъанча, мен, мен деб нек тураса?
  • Рысхысына кёре, джаш ёсер, къышлыгъына кёре, мал ёсер.
  • Джыланны къуйругъундан басарынг келсе, аны башы болгъанын унутма.
  • Чомартха хар кюн да байрамды.
  • Юй ишлеген балта эшикде къалыр.
  • Кёб джат да, бек чаб.
  • Адамгъа аман кюн соруб келмейди.
  • Тёзген – тёш ашар!
  • Къанны къан бла джуума, аманны аман бла къуума.
  • Таукел тауну аудурур.
  • Ачлыкъда тары гырджын халыуадан татлы.
  • Аман эсирсе, юйюн ояр.
  • Тойгъан джерге джети къайт.
  • Ётюрюк хапар аякъ тюбю бла джюрюйдю.
  • Термилгенинги табмазса, кюлгенинге тюберсе.
  • Этек чакъмакълары баш джаргъан, сёлешген сёзлери таш джаргъан.
  • Кёкдеги болмаса, джердегин кёрмейди.
  • Урунуу – насыбны анасы.
  • Джаш болсун, къыз болсун, акъылы, саны тюз болсун.
  • Кимни – тили, тиши онглу, кимни – къолу, иши онглу.
  • Къазанда болса, чолпугъа чыгъар.
  • Эркиши – от, тиширыу – суу.
  • Тамырсыз терекге таянма – джыгъылырса.
  • Ашда уялгъан – мухар, ишде уялгъан – хомух.
  • Сабий болмагъан джерде, мёлек болмаз.
  • Арыгъан къош чамчы болур.
  • Ана кёлю – балада, бала кёлю – талада.
  • Харам къарнашдан, халал тенг ашхы.
  • Тюзню ётмеги тюзде къалса да, тас болмаз.
  • Джаш къарыу бла кючлю, къарт акъыл бла кючлю.
  • Тура эдим джата, къайдан чыкъды хата?
  • Садакъачыны джаны – къапчыгъында.
  • Къобан да къуру да къобханлай турмайды, адам да къуру да патчахлай турмайды.
  • Тау башында, тау болмаз, джангыз терек, бау болмаз.
  • Минг тенг да азды, бир джау да кёбдю.
  • Окъ къызбайны джокълайды.
  • Байлыкъ болгъан джерде, тынчлыкъ джокъду.
  • Башы ишлегенни, ауузу да ишлер.
  • Мухардан ач ычхынмаз.

Аудио

Токов Мурат

Файлов: 20

Обновлен: 06.07.2017

  • Токов Мурат Сени атынгы айтама
(Голосов: 6, Рейтинг: 5)

Описание

Дата: 24.06.2013
Прослушиваний: 904
Скачиваний: 399
Размер: 7.7 МБ
Текст песни:
музыка Аминат Шидаковой
стихи Кайсына Кулиева

Къууанч сагъатымда
Не мыдах болгъанда,
Атынгы айта турама,
Мийик булутлагъа,
Джарыкъ джулдузлагъа
Сени хапарынгы сорама.

Припев:
Къамагъа джазылгъан,
Джылтыраб тургъан
Джазыугъа ушайды атынг,
Андан ариу джокъча,
Тюрленмей турлукъча
Кёрюндю манга сыфатынг.

Припев.

Джолда кетиб бара,
Акъ таулагъа къараб,
Мен санга джырла этеме,
Къарлы къаяладан,
Чынгыл башларындан,
Атынгы айта, ётеме.

Припев.

Чолпан джулдуз – атынг,
Джарыкъ кюн – сыфатынг,
Мени джолуму джарытхан,
Сен – шаудан сууумса,
Сен – джазгъы тангымса,
Тауланы джарыта атхан.

Припев.

Джыр джылы кюйдюрген,
Джырчыгъа сюйдюрген,
Сен - ариуланы бирисе.
Джарлы назмучуну,
Ол джарлы джырчыны
Сен - джарыкъ тийген кюнюсе.

Припев.

Комментариев нет

  • Зарегистрируйтесь чтобы пользоваться плейлистом.