Песен: 1 Создан:
06.05.2015 Обновлен:
06.05.2015
| 25 Апреля | 2024 года |
Навигация
- Ёксюзню къалачы уллу кёрюнюр.
- Адам къыйынлыгъын кёлтюрюр, зауукълугъун кёлтюрмез.
- Джюрек кёзден алгъа кёрюр.
- Босагъагъа джууукъ орун болса, ашыгъыб тёрге озма.
- Адамны сабийин сюйген джюреги, бычакъча, джитиди.
- Ана кёлю – балада, бала кёлю – талада.
- Таш бла ургъанны, аш бла ур.
- Аман къатын алгъан, арыр, иги къатын алгъан джарыр.
- Эки элинги тыйсанг, джети элде махталырса.
- Керилген да, ургъан кибикди.
- Эшекге миннген – биринчи айыб, андан джыгъылгъан – экинчи айыб.
- Окъугъан – асыу, окъумагъан – джарсыу.
- Чабакъсыз кёлге къармакъ салгъанлыкъгъа, чабакъ тутмазса.
- Келлик заман – къартлыкъ келтирир, кетген заман – джашлыкъ ёлтюрюр.
- Ёлмесенг да, къарт дамы болмазса?
- Биреуню тёрюнден, кесинги эшик артынг игиди.
- Эски джаугъа ышанма.
- Аш берме да, къаш бер.
- Къонакъ кёб келюучю юйню, къазаны отдан тюшмез.
- Тилчи бир сагъатха айлыкъ хата этер.
- Ашхы – джыяр, аман – джояр.
- Тёзгеннге, джабылгъан эшик ачылыр.
- Ата – баланы уясы.
- Ёлюр джаннга, ёкюл джокъ.
- Окъумагъан сокъурду, сокъур ташха абыныр!
- Чабар ат – джетген къыз.
- Адеб джокъда, намыс джокъ.
- Айранны сюйген, ийнек тутар.
- Терслик кетер, тюзлюк джетер.
- Къонакъ хазыр болгъанлыкъгъа, къонакъбай хазыр тюлдю.
- Ариу – кёзге, акъыл – джюрекге.
- Урунуу – насыбны анасы.
- Эр сокъур болсун, къатын тилсиз болсун.
- Тойчу джашха къарама, къойчу джашха къара.
- Оюмсуз атлагъан, аджалсыз ёлюр.
- Шапа кёб болса, аш татымсыз болур.
- Махтаннган къыз, тойда джукълар.
- Эм уллу байлыкъ – джан саулукъ.
- Ишге юренсин къоллары, халкъ бла болсун джоллары.
- Сабий болмагъан джерде, мёлек болмаз.
- Накъырданы арты керти болур.
- Къарын къуру болса, джюрек уру болур.
- Кесинг сынамагъан затны, адамгъа буюрма.
- Тамчы таш тешер.
- Ётюрюкню къуйругъу – бир тутум.
- Насыб бютеу халкъны юлюшюдю.
- Биреуге кёлтюрген таягъынг, кесинги башынга урур.
- Джолунга кёре – джюрюшюнг, джагъанга кёре – юлюшюнг.
- Тура эдим джата, къайдан чыкъды хата?
- Къарнынг къанлынга кийирир.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
