Расширенный поиск
19 Апреля 2024 года
Логин: Регистрация
Пароль: Забыли пароль?
Навигация
Словарь
  • Айыбны суу бла джууалмазса.
  • Гугурук къычырмаса да, тангны атары къалмаз.
  • Кюл тюбюндеги от кёрюнмейди.
  • Джан саулукъ бермей, сан саулукъ бермезсе.
  • От этилмеген джерден тютюн чыкъмайды.
  • Джаралыны джастыгъында сау ёлюр.
  • Харам къарнашдан, халал тенг ашхы.
  • Акъдан къара болмаз.
  • Дуния аламаты сен эсенг да, игиме деб айтма.
  • Айран ичген – къутулду, джугъусун джалагъан – тутулду.
  • Акъыллы – эл иеси, тели – эл баласы.
  • Ким бла джюрюсенг, аны кёзю бла кёрюнюрсе.
  • Рысхы джалгъанды: келген да этер, кетген да этер.
  • Юйлю уругъа ит чабмаз.
  • Кийимни бир кюнню аясанг, минг кюннге джарар.
  • Башда акъыл болмаса, эки аякъгъа кюч джетер.
  • Кёзден кетген, кёлден да кетеди.
  • Кёб ант этген, кёб ётюрюк айтыр.
  • Хаухну атма, ёнгкючню сатма.
  • Тилчи бир сагъатха айлыкъ хата этер.
  • Хар сёзню орну барды.
  • Ауругъан – джашаудан умутчу.
  • Къонакъ хазыр болгъанлыкъгъа, къонакъбай хазыр тюлдю.
  • Ариу сёз джыланны орнундан чыгъарыр.
  • Эрни эр этерик да, къара джер этерик да, тиширыуду.
  • Ётген ёмюр – акъгъан суу.
  • Адам сёзюнден белгили.
  • Аман адамны тепсинге олтуртсанг, къызынгы тилер.
  • Булут кёкге джарашыу, уят бетге джарашыу.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Алгъанда – джууукъ, бергенде – джау.
  • Къазанда болса, чолпугъа чыгъар.
  • Айырылгъанланы айю ашар, бёлюннгенлени бёрю ашар.
  • Аджал соруб келмез, келсе, къайтыб кетмез.
  • Кёб джашагъан – кёб билир.
  • Эртде тургъан джылкъычыны эркек аты тай табар.
  • Кёкдеги болмаса, джердегин кёрмейди.
  • Ауузу аманнга «иги», деме.
  • Джыланны къуйругъундан басарынг келсе, аны башы болгъанын унутма.
  • Агъач – джерни чырайы, кийим – эрни чырайы.
  • Къонакъны къачан кетерин сорма, къачан келлигин сор.
  • Борчунг бар эсе, хурджунунга ойлаб узал.
  • Къарт бла баш аша, джаш бла аякъ аша.
  • Адеб базарда сатылмаз.
  • Ач бёрюге мекям джокъ.
  • Абынмазлыкъ аякъ джокъ, джангылмазлыкъ джаякъ джокъ.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Минг тенг да азды, бир джау да кёбдю.
  • Билими азны – ауузунда кирит.
  • Биреуню къыйынлыгъы бла кесинге джол ишлеме.

Аудио

Этчеев Ислам

Файлов: 1

Обновлен: 06.07.2017

  • Этчеев Ислам Сени кёрмеген кюнюмде (с Хапаевой Лейлой)
(Голосов: 3, Рейтинг: 4.33)

Описание

Дата: 23.05.2013
Прослушиваний: 1572
Скачиваний: 144
Размер: 7.23 МБ
Текст песни:
музыка Альберта Узденова
стихи Хамита Боташева

Сени кёрмеген кюнюмде
Къарангы болад элимде,
Ала кёзлеринг кюлмесе,
Ол бул-бул таууш келмесе.
Ала кёзлеринг кюлмесе,
Ол бул-бул таууш келмесе.

Ышаргъанынг нюр тёкмесе,
Бачхада гюл да битмез эд,
Бу джарыкъ кюн да тиймейин,
Къарангы басыб, кетер эд.
Бу джарыкъ кюн да тиймейин,
Къарангы басыб, кетер эд.

Ай толу тийген кечеле,
Джандет тауушла келелле,
Джюрекле бирге къууана,
Кел, бурулайыкъ биз бирге.
Джюрекле бирге къууана,
Кел, бурулайыкъ биз бирге.

Ол сыйлы ана болмаса,
Быллай джулдуз да туумаз эд,
Мен да келмезем бу джуртха,
Кёрмезем сени дунияда.
Мен да келмезем бу джуртха,
Кёрмезенг мени дунияда...


Сени кёрмеген кюнюмде
Къарангы болад элимде,
Ала кёзлеринг кюлмесе,
Ол бул-бул таууш келмесе.
Ала кёзлеринг кюлмесе,
Ол бул-бул таууш келмесе.

Комментариев нет

  • Зарегистрируйтесь чтобы пользоваться плейлистом.