Расширенный поиск
27 Октября 2024 года
Логин: Регистрация
Пароль: Забыли пароль?
Навигация
Словарь
  • Узун джолну барсанг, бюгюн келирсе, къысха джолну барсанг, тамбла келирсе.
  • Баргъанынга кёре болур келгенинг.
  • Аман хансны – урлугъу кёб.
  • Этим кетсе да, сюегим къалыр.
  • Намысы джокъну – дуниясы джокъ.
  • Биреу ашаб къутулур, биреу джалаб тутулур.
  • Иги сеники эсе да, сюйген кесимикин этеме.
  • Къулакъдан эсе, кёзге ышан.
  • Джюрек кёзден алгъа кёрюр.
  • Хазыр ашха – терен къашыкъ.
  • Борчунг бар эсе, хурджунунга ойлаб узал.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Къарнынг къанлынга кийирир.
  • Джырчы джырчыгъа – къарнаш.
  • Насыблы элин сюер, насыбсыз кесин сюер.
  • Къызны минг тилер, бир алыр.
  • Элиб деген, элге болушур.
  • Абынмазлыкъ аякъ джокъ, джангылмазлыкъ джаякъ джокъ.
  • Ашлыкъны арба юйге келтирир, чана базаргъа элтир.
  • Сёз садакъдан кючлюдю.
  • Сыфатында болмагъаны, суратында болмаз.
  • Ашына кёре табагъы, балына кёре къалагъы.
  • Керти сёзге тёре джокъ.
  • Адамны адамлыгъы къыйынлыкъда айгъакъланады.
  • Ашда уялгъан – мухар, ишде уялгъан – хомух.
  • Келинни – келгинчи, бёркню кийгинчи кёр.
  • Гугурук къычырмаса да, тангны атары къалмаз.
  • Адам туугъан джеринде, ит тойгъан джеринде.
  • Ариу сёзде ауруу джокъ.
  • Къаллай салам берсенг, аллай джууаб алырса.
  • Байны къызы баймакъ болса да, юйде къалмаз!
  • Джангызны оту джарыкъ джанмаз!
  • Оюмсуз атлагъан, аджалсыз ёлюр.
  • Эм ашхы къайын ана мамукъ бла башынгы тешер.
  • Аджашхан тёгерек айланыр.
  • Ишни ахырын ойламай, аллын башлама.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Дуния мал дунияда къалады.
  • Билимли ёлмез, билимсиз кёрмез.
  • Акъыл бла адеб эгизледиле.
  • Байдан умут эте, джарлыдан ёгюз багъасы къорады.
  • Юйлю уругъа ит чабмаз.
  • Джетген къыз джерли эшекни танымаз.
  • Эки итни арасына сюек атма, эки адамны арасында сёз чыгъарма.
  • Тилде сюек болмаса да, сюек сындырыр.
  • Ашхы атаны – джашы ашхы, ашхы ананы – къызы ашхы.
  • Къуллукъчума, деб махтанма, къуллукъ – хаух джамчыды!
  • Джюз элде джюз ёгюзюм болгъандан эсе, джюз джууугъум болсун.
  • Айтхан – тынч, этген – къыйын.
  • Тешигини къатында, чычхан да батыр болур.

Аудио

Этчеев Ислам

Файлов: 1

Обновлен: 06.07.2017

  • Этчеев Ислам Сени кёрмеген кюнюмде (с Хапаевой Лейлой)
(Голосов: 3, Рейтинг: 4.33)

Описание

Дата: 23.05.2013
Прослушиваний: 1655
Скачиваний: 144
Размер: 7.23 МБ
Текст песни:
музыка Альберта Узденова
стихи Хамита Боташева

Сени кёрмеген кюнюмде
Къарангы болад элимде,
Ала кёзлеринг кюлмесе,
Ол бул-бул таууш келмесе.
Ала кёзлеринг кюлмесе,
Ол бул-бул таууш келмесе.

Ышаргъанынг нюр тёкмесе,
Бачхада гюл да битмез эд,
Бу джарыкъ кюн да тиймейин,
Къарангы басыб, кетер эд.
Бу джарыкъ кюн да тиймейин,
Къарангы басыб, кетер эд.

Ай толу тийген кечеле,
Джандет тауушла келелле,
Джюрекле бирге къууана,
Кел, бурулайыкъ биз бирге.
Джюрекле бирге къууана,
Кел, бурулайыкъ биз бирге.

Ол сыйлы ана болмаса,
Быллай джулдуз да туумаз эд,
Мен да келмезем бу джуртха,
Кёрмезем сени дунияда.
Мен да келмезем бу джуртха,
Кёрмезенг мени дунияда...


Сени кёрмеген кюнюмде
Къарангы болад элимде,
Ала кёзлеринг кюлмесе,
Ол бул-бул таууш келмесе.
Ала кёзлеринг кюлмесе,
Ол бул-бул таууш келмесе.

Комментариев нет

  • Зарегистрируйтесь чтобы пользоваться плейлистом.