Аудио :: Аудио:: Борлаков Рустам

Къазанчы аман болса, къазаны къайнамаз.
Джуртун къоругъан озар.
Суугъа – таянма, джаугъа – ийнанма.
Ашын ашагъанынгы, башын да сыйла.
Къонакъны къачан кетерин сорма, къачан келлигин сор.
Джаралыны джастыгъында сау ёлюр.
Ашлыкъны арба юйге келтирир, чана базаргъа элтир.
Эр сокъур болсун, къатын тилсиз болсун.
Керилген да, ургъан кибикди.
Ачыкъ джюрекге джол – ачыкъ.
Чомартны къолун джокълукъ байлар.
Къолу уллу – асыу, аягъы уллу – джарсыу.
Бозаны арты дауур болур.
Къатын къылыкъсыз, эр тынчлыкъсыз.
Биреуге аманлыкъны тилеме да, кесинге ашхылыкъны тиле.
Кеси юйюмде мен да ханма.
Окъумагъан сокъурду, сокъур ташха абыныр!
Тешигини къатында, чычхан да батыр болур.
Айтханы чапыракъдан ётмеген.
Атынг аманнга чыкъгъандан эсе, джанынг тамагъынгдан чыкъсын.
Джетген къыз джерли эшекни танымаз.
Бети – къучакълар, джюреги – бычакълар.
Ана кёлю – балада, бала кёлю – талада.
Асхат ашлыкъ сата, юйдегиси ачдан къата.
Ойнай билмеген, уруб къачар.
Къыз чыгъаргъан – къызыл къымжа.
Билим ат болуб да чабар, къуш болуб да учар.
Иги сёз – джаннга азыкъ, аман сёз башха – къазыкъ.
Хар адамгъа кеси миннген тау кибик.
Таугъа чыгъаллыкъ эсенг, тюзде къалма.
Чомартха хар кюн да байрамды.
Тил – миллетни джаны.
Ашхы адам – халкъ байлыгъы, ашхы джер – джашау байлыгъы.
Къарт бла баш аша, джаш бла аякъ аша.
Ишге юренсин къоллары, халкъ бла болсун джоллары.
Зар адам ашынгы ашар, кесинги сатар.
Кюн – узун, ёмюр – къысха.
Кенгеш болса, уруш болмаз.
Алтыда кюлмеген, алтмышда кюлмез.
Тюзню ётмеги тюзде къалса да, тас болмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Ёлюр джаннга, ёкюл джокъ.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Таш бла ургъанны, аш бла ур.
Чарсда алчыны эл кёреди.
Тойну къарнашы – харс, джырны къарнашы – эжиу.
Ёлюк кебинсиз къалмаз.
Тас болгъан бычакъны сабы – алтын.
Ёксюзню тилеги къабыл болур.
Адамны сыфатына къарама, сёзюне къара.

Логин:	Регистрация

Пароль:	Забыли пароль?

Запомнить меня

Аудио

Борлаков Рустам

Скачать

Адрес