Расширенный поиск
29 Апреля 2025 года
Логин: Регистрация
Пароль: Забыли пароль?
Навигация
Словарь
  • Асхат ашлыкъ сата, юйдегиси ачдан къата.
  • Акъыл бла адеб эгизледиле.
  • Адамны джюреги нени кёрюрге сюйсе, кёзю да аны кёрюрге ёч болады.
  • Мени джылытмагъан кюн, меннге тиймесин!
  • Чыбыкълыкъда бюгюлмеген, къазыкълыкъда бюгюлмей эди.
  • Къазанда болса, чолпугъа чыгъар.
  • Чёбню кёлтюрсенг, тюбюнден сёз чыгъар.
  • Ишни ахырын ойламай, аллын башлама.
  • Биреу къой излей, биреу той излей.
  • Дженгил джетерикме деб, узун джолну къоюб, къысхасын барма.
  • Бек ашыкъгъан меннге джетсин, дегенди аракъы.
  • Тойну къарнашы – харс, джырны къарнашы – эжиу.
  • Кийиминг бла танылма, адамлыкъ бла таныл.
  • Тойгъан джерден туугъан джер игиди.
  • Джылыгъа джылан илешир.
  • Сескекли кесин билдирир.
  • Агъач халкъгъа алтынды, иссиликге салкъынды.
  • Къарнынг къанлынга кийирир.
  • Аджашханны ызындагъы кёреди, джангылгъанны джанындагъы биледи.
  • Ойнай-ойнай кёз чыгъар.
  • Джырчы ёлсе, джыры къалыр.
  • Аш кетер да бет къалыр.
  • Джолунга кёре – джюрюшюнг, джагъанга кёре – юлюшюнг.
  • Тин – байлыгъынг, терен саулугъунг.
  • Зарда марда джокъ.
  • Намыс сатылыб алынмайды.
  • Тик ёргени, тик энгишгеси да болады.
  • Аз айтсам, кёб ангылагъыз.
  • Кёзню ачылгъаны – иги, ауузну джабылгъаны – иги.
  • Ёзденликни джайгъан – джокълукъ.
  • От кюйдюрген, сау болса да, тот кюйдюрген, сау болмаз.
  • Ата – баланы уясы.
  • Ишлемеген – тишлемез.
  • Ата – билек, ана – джюрек!
  • Баш болса, бёрк табылыр.
  • Кёл – къызбай, къол – батыр.
  • Кесинге джетмегенни, кёб сёлешме.
  • Къуллукъчума, деб махтанма, къуллукъ – хаух джамчыды!
  • Къатын байлыкъны сюер, эр саулукъну сюер.
  • Ат да турмайды бир териде.
  • Телиге акъыл салгъандан эсе, ёлгеннге джан салырса.
  • Акъыллы айтыр эди, акъылсыз къоймайды.
  • Аууз сакълагъан – джан сакълар.
  • Къошда джокъгъа – юлюш джокъ.
  • Элиб деген, элге болушур.
  • Аллахха ийнаннган кишини, Аллах онгдурур ишин.
  • Джигер – джаннга къыйынлыкъ.
  • Термилгенинги табмазса, кюлгенинге тюберсе.
  • Ачны эсинде – аш.
  • Алим болгъандан эсе, адам болгъан къыйынды.

Аудио

Борлаков Рустам

Файлов: 22

Обновлен: 10.07.2017

  • Борлаков Рустам Къарт атамы осияты
(Нет голосов)

Описание

Дата: 15.10.2014
Прослушиваний: 1783
Скачиваний: 65
Размер: 5.65 МБ
Текст песни:
Музыка и стихи Альберта Узденова.

Чууакъ кёкден кёлек тигиб кийсенг да,
Джулдузладан тюйме этиб тиксенг да,
Сен ыйлыкъма атанг кийген кийимге,
Къапталында аны халы тюймеге!

Сен ыйлыкъма топракъ башлы юйлеге,
Сен ыйлыкъма, атанг есген тийреге,
Сени сыйынг, намысынг да алада,
Джашасанг да накъут-налмаз къалада!

Чий алтындан чурукъланы кийсенг да,
Джанынг саудан эскертменги кёрсенг да,
Сен ыйлыкъма атанг кийген чабыргъа,
Ахлуларынг сенге къазар къабыргъа!

Башха халкъны тёбен этиб кюрешсенг,
Тукъум сайлаб, халкъны эки юлешсенг,
Ана тилни учуз этиб сёлешсенг,
Адамлыгъынг джокъду, анга ыйлыкъ сен!

Бир онгсузну аякъ тюбге теблесенг,
Сыйсыз ишни этгенлеге сый берсенг,
Джолоучугъа сатыб берсенг айранны,
Таулу тюлсе, ким эсенгда, бил аны!

Чагъыр ичиб, таулума деб къычырсанг,
Джутлугъунг бла, дуния малгъа сатылсанг,
Намыс, адеб кете барыр сенден кенг,
Сагъыш эт да, бу затлагъа ыйлыкъ сен!

Комментариев нет

  • Зарегистрируйтесь чтобы пользоваться плейлистом.