Аудио :: Аудио:: Хубиев Хасан

Эл ауузу – элия.
Тилчи тилден къаныкъмаз.
Тамбла алтындан бюгюн багъыр ашхы.
«Ма», - дегенни билмесенг, «бер», - дегенни билмезсе.
Ата – баланы уясы.
Алим болгъандан эсе, адам болгъан къыйынды.
Джаз бир кюнню джатсанг, къыш талай кюнню абынырса.
Айырылгъанланы айю ашар, бёлюннгенлени бёрю ашар.
Тулпарлыкъ, билекден тюл – джюрекден.
Эллинг бла джау болсанг да, юйюнг бла джау болма.
Ёлюк кебинсиз къалмаз.
Азыгъы аз, алгъа къабар, аты аман, алгъа чабар.
Термилгенинги табмазса, кюлгенинге тюберсе.
Акъдан къара болмаз.
Эл ауузу – элек, анга ийнаннган – халек.
Биреу къой излей, биреу той излей.
Элни кючю – эмеген.
Тойгъанлыкъ къойгъа джарашады.
От кюйдюрген, сау болса да, тот кюйдюрген, сау болмаз.
Ашлыкъ – бюртюкден, джюн – тюкден.
Чомартха Тейри да борчлуду.
Чомарт къолда мал къалмаз.
Сууда джау джокъ, кёб сёзде магъана джокъ.
Къулакъдан эсе, кёзге ышан.
Терслик кетер, тюзлюк джетер.
Ач къалгъандан, кеч къалгъан къолай.
Джолунга кёре – джюрюшюнг, джагъанга кёре – юлюшюнг.
Къонакъ аман болса, къонакъбай джунчур
Ичимден чыкъды хата, къайры барайым сата?
Тилде сюек болмаса да, сюек сындырыр.
Ёксюзню къалачы уллу кёрюнюр.
Аш берме да, къаш бер.
Ана къолу ачытмаз.
Ишлегенден, къарагъан уста.
Нёгер болсанг, тенг бол, тенг болмасанг, кенг бол.
Таугъа чыгъаллыкъ эсенг, тюзде къалма.
Кесине гебен этелмеген, биреуге черен эте эди.
Илму – джашауну джолу.
Ач къарынны, токъ билмез
Джарлы эскисин джамаса, къууаныр.
Адамны аманы адамны бети бла ойнар.
Къарнынг къанлынга кийирир.
Аманны къуугъан, аманлыкъ табар.
Тюзню ётмеги тюзде къалса да, тас болмаз.
Дуния малгъа сатылма, кесингден телиге къатылма.
Чакъырылгъанны аты, чакъырылмагъанны багъасы болур.
Ишни ахырын ойламай, аллын башлама.
Сакъ юйюне сау барыр.
Байлыкъ келсе, акъыл кетер.
Байны оноуу, джарлыгъа джарамаз.

Логин:	Регистрация

Пароль:	Забыли пароль?

Запомнить меня

Аудио

Хубиев Хасан

Скачать

Адрес