Аудио :: Аудио:: Хубиев Хасан

Адам къаллай бир ишленмесе, аллай бир кесин уллу кёреди.
Келинни – келгинчи, бёркню кийгинчи кёр.
Атлыны ашхысы, ат тизгининден билинир
Ашха уста, юйюнде болсун
Этек чакъмакълары баш джаргъан, сёлешген сёзлери таш джаргъан.
Джюрекге ариу – кёзге да ариу.
Нёгерсизни джолу узун.
Биреу къой излей, биреу той излей.
Тамчы таш тешер.
Ач къарынны, токъ билмез
Эл ауузу – элия.
Тойгъан антын унутур.
Азыкълы ат арымаз, къатыны аман джарымаз.
Чомарт бергенин айтмаз.
Берекет берсин деген джерде, берекет болур.
Айран ичген – къутулду, джугъусун джалагъан – тутулду.
Чомартха хар кюн да байрамды.
Адам къыйынлыгъын кёлтюрюр, зауукълугъун кёлтюрмез.
Къуллукъчума, деб махтанма, къуллукъ – хаух джамчыды!
Ашхы – джыяр, аман – джояр.
Ойнай билмеген, уруб къачар.
Тура эдим джата, къайдан чыкъды хата?
Бети бедерден, намыс сакълама.
Кёзю сокъурдан – къоркъма, кёлю сокъурдан – къоркъ.
Билген билмегенни юретген адетди.
Аджашханны ызындагъы кёреди, джангылгъанны джанындагъы биледи.
Кийимни бир кюнню аясанг, минг кюннге джарар.
Кёлю джокъну – джолу джокъ.
Хар зат кесини орнуна иги.
Ишге юренсин къоллары, халкъ бла болсун джоллары.
Адамны аманы адамны бети бла ойнар.
Рысхы – насыбха къор.
Зарда марда джокъ.
Юйюнг бла джау болгъандан эсе, элинг бла джау бол.
Гырджын – тепсини тамадасы.
Сибиртки да сыйлы болду, кюрек да кюнлю болду.
Сабийликде юретмесенг, уллу болса – тюзелмез.
Эркиши – от, тиширыу – суу.
Сютден ауузу кюйген, суугъа юфгюре эди.
Ана – юйню кюн джарыгъы.
Тили узунну, намысы – къысха.
Бёрю да ач къалмасын, эчки да ашалмасын.
Ашхы болсанг, атынг чыгъар, аман болсанг, джанынг чыгъар.
Айтхан сёзюне табылгъан.
Адам туугъан джеринде, ит тойгъан джеринде.
Джангыз торгъай джырламаз.
Ётген ёмюр – акъгъан суу.
Чомартха Тейри да борчлуду.
Джангыз терек къынгыр ёсер.
Нафысынгы айтханын этме, намысынгы айтханын эт.

Логин:	Регистрация

Пароль:	Забыли пароль?

Запомнить меня

Аудио

Хубиев Хасан

Скачать

Адрес