Аудио :: Аудио:: «Эртде-Эртде…»

Хоншуну тауугъу къаз кёрюнюр, келини къыз кёрюнюр.
Алтыннга тот къонмаз.
Таугъа чыгъаллыкъ эсенг, тюзде къалма.
Ач бёрюге мекям джокъ.
Джиби бир къат джетмей эди да, эки къат тарта эди.
Бети бедерден, намыс сакълама.
Аман хансны – урлугъу кёб.
Кёкдеги болмаса, джердегин кёрмейди.
Аджаллыгъа окъсуз шкок атылыр.
Артына баргъанны, къатына барма.
Тойгъанлыкъ къойгъа джарашады.
Ёгюзню мюйюзюнден тутадыла, адамны сёзюнден тутадыла.
Чакъырылмагъан къонакъ тёрге атламаз.
Окъугъанны бети джарыкъ.
Ишлегенде эринме, ишде чолакъ кёрюнме.
Ариу – кёзге, акъыл – джюрекге.
Эртде тургъан бла эртде юйленнген сокъуранмаз.
Кёб джат да, бек чаб.
Ишни аллы бла къууанма да, арты бла къууан.
Термилгенинги табмазса, кюлгенинге тюберсе.
Баш болса, бёрк табылыр.
Эки итни арасына сюек атма, эки адамны арасында сёз чыгъарма.
Ариу сёз – джаннга азыкъ, аман сёз – башха къазыкъ.
Нафысынгы айтханын этме, намысынгы айтханын эт.
Джылар джаш, атасыны сакъалы бла ойнар.
Кюн кёрмеген, кюн кёрсе, кюндюз чыракъ джандырыр.
Айран тёгюлсе, джугъусу къалыр.
Телини эшигин, махтау джабар.
Тиширыусуз юй – отсуз от джагъа.
Намысы болмагъанны, сыйы болмаз.
Айыбны суу бла джууалмазса.
Берекет берсин деген джерде, берекет болур.
Айранны сюйген, ийнек тутар.
Чабакъгъа акъыл, табагъа тюшсе келеди.
Юй ишлеген балта эшикде къалыр.
Мухарны эси – ашарыкъда.
Борчунг бар эсе, хурджунунга ойлаб узал.
Башсыз урчукъ тюзюне айланмаз.
Аз сёлеш, кёб ишле.
Бичгенде ашыкъма, тикгенде ашыкъ.
Джауумдан сора, кюн кюйдюрюр, ётюрюкден сора, айыб кюйдюрюр.
Кёл ашады да, кеси ашады.
Ач келгенни – тойдур, кеч келгенни – къондур.
Хантына кёре тузу, юйюне кёре къызы.
Келгинчи, къонакъ уялыр, келгенден сора, къонакъбай уялыр.
Адам туугъан джеринде, ит тойгъан джеринде.
Байны оноуу, джарлыгъа джарамаз.
Билим насыб берир, билим джолну керир.
Къызбайны юйюне дери сюрсенг, батыр болур.
Сёз – кюмюш, джыр – алтын.

Логин:	Регистрация

Пароль:	Забыли пароль?

Запомнить меня

Аудио

«Эртде-Эртде…»

Скачать

Адрес