Песен: 9 Создан:
06.05.2015 Обновлен:
06.05.2015
| 19 Мая | 2025 года |
Навигация
- Билмегенинги, билгеннге сор.
- Чомарт бергенин айтмаз.
- Баш болса, бёрк табылыр.
- Тилчиден кери бол.
- Нёгер болсанг, тенг бол, тенг болмасанг, кенг бол.
- Сабий болмагъан джерде, мёлек болмаз.
- Билим ат болуб да чабар, къуш болуб да учар.
- Къартха ушагъан джаш – акъыллы, джашха ушагъан къарт – тели.
- Ач бёрюге мекям джокъ.
- Сагъышы джокъ – джукъучу, акъылы джокъ – къаугъачы.
- Арбаз сайлама да, хоншу сайла.
- Келинни – келгинчи, бёркню кийгинчи кёр.
- Окъумагъан сокъурду, сокъур ташха абыныр!
- Тай асырагъан, атха минер.
- Ариу сёз – къылычдан джити.
- Ат басханны джер билед.
- Иги сёз – джаннга азыкъ, аман сёз башха – къазыкъ.
- Эм ашхы къайын ана мамукъ бла башынгы тешер.
- Къыз чыгъаргъан – къызыл къымжа.
- Чабакъсыз кёлге къармакъ салгъанлыкъгъа, чабакъ тутмазса.
- Тенги кёбню джау алмаз, акъылы кёбню дау алмаз.
- Чыбыкълыкъда бюгюлмеген, къазыкълыкъда бюгюлмей эди.
- Эрине къаргъыш этген къатын, эрнин къабар.
- Ач келгенни – тойдур, кеч келгенни – къондур.
- Сабий кёргенин унутмаз.
- Къанны къан бла джуума, аманны аман бла къуума.
- Мухарны эси – ашарыкъда.
- Ёлген ийнек сютлю болур.
- Хазыр ашха – терен къашыкъ.
- Кечеси – аяз, кюню – къыш, джарлы къаргъагъа бир аш тюш!
- Иги джашны ышаны – аз сёлешиб, кёб тынгылар.
- Аман адамны тепсинге олтуртсанг, къызынгы тилер.
- Суу кетер, таш къалыр.
- Джаным-тиним – окъуу, билим.
- Накъырданы арты керти болур.
- Ётюрюкчюню шагъаты – къатында.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кюн – узун, ёмюр – къысха.
- Уруну арты – къуру.
- Ашына кёре табагъы, балына кёре къалагъы.
- Таукел къуру къалмаз.
- Къонакъ болсанг, ийнакъ бол.
- Ата Джуртун танымагъан, атасын да танымаз.
- Билмезни кёзю кёрмез, этмезни къулагъы эшитмез.
- Иесиз малны бёрю ашар.
- Абынмазлыкъ аякъ джокъ, джангылмазлыкъ джаякъ джокъ.
- Ашхы болсанг, атынг чыгъар, аман болсанг, джанынг чыгъар.
- Чоюнну башы ачыкъ болса, итге уят керекди.
- Чарсда алчыны эл кёреди.
- Ойнай-ойнай кёз чыгъар.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
