Расширенный поиск
21 Мая  2018 года
Логин: Регистрация
Пароль: Забыли пароль?
  • Къарт болгъан джерде, берекет болур, сабий болгъан джерде, оюн болур.
  • Татлы сёз – балдан татлы.
  • Ашхы сёз таш тешер.
  • Къолунгдан къуймакъ ашатсанг да, атаны борчундан къутулмазса.
  • Ач – эснер, ат – кишнер.
  • Джашлыкъ этмеген, башлыкъ этмез.
  • Орну джокъну – сыйы джокъ.
  • Кёкдеги болмаса, джердегин кёрмейди.
  • Сагъышы джокъ – джукъучу, акъылы джокъ – къаугъачы.
  • Керти сёзге тёре джокъ.
  • Оюмсуз атлагъан, аджалсыз ёлюр.
  • Кирсизни – саны таза, халалны – къаны таза.
  • Аманны къуугъан, аманлыкъ табар.
  • Айырылгъанланы айю ашар, бёлюннгенлени бёрю ашар.
  • Биреу ашаб къутулур, биреу джалаб тутулур.
  • Ашда – бёрю, ишде – ёлю.
  • Ёзденликни кёбю ётюрюк.
  • Ач къарным, тынч къулагъым.
  • Берекет берсин деген джерде, берекет болур.
  • Тиширыусуз юй – отсуз от джагъа.
  • Къонакъ хазыр болгъанлыкъгъа, къонакъбай хазыр тюлдю.
  • Игилик игилик бла сингдирилиучю затды.
  • Кийиминг бла танылма, адамлыкъ бла таныл.
  • Адамгъа аман кюн соруб келмейди.
  • Чакъырылмагъан къонакъ къачан кетерин сормаз.
  • Айранны сюйген, ийнек тутар.
  • Ёлген аслан – сау чычхан.
  • Къонагъы джокъну – шоху джокъ.
  • Ана кёлю – балада, бала кёлю – талада.
  • Ёлмесенг да, къарт дамы болмазса?
  • Сескекли кесин билдирир.
  • Тил джюрекге джол ишлейди.
  • Ойнаб айтсанг да, эслеб айт.
  • Къонакъ аз олтурур, кёб сынар.
  • Къартны сыйын кёрмеген, къартлыгъында сыйлы болмаз.
  • Адамны артындан къара сабан сюрме.
  • Джюрекге ариу – кёзге да ариу.
  • Джети тилни билген джети кишиди.
  • Харам къарнашдан, халал тенг ашхы.
  • Ариу – кёзге, акъыл – джюрекге.
  • Тилчи тилден къаныкъмаз.
  • Джахил болса анасы, не билликди баласы?
  • Джырына кёре эжиую.
  • Телини эшигин, махтау джабар.
  • Билгенни къолу къарны джандырыр.
  • Хазыр ашха – терен къашыкъ.
  • Биреуню тёрюнден, кесинги эшик артынг игиди.
  • Игиге айтсанг – билир, аманнга айтсанг – кюлюр.
  • Уллу атлама – абынырса, уллу къабма – къарылырса.
  • Таякъ этден ётер, тил сюекден ётер.

Жаўлукъла къысхан къызла

26.08.2017 0 421  Османланы Х.
Таўлу къызла жаўлукъгъа уллу магъана бергендиле. Аны башларына къысмай орамгъа окъуна чыкъмагъандыла. Къысыўла да кёп тюрлю болгъандыла. Аны кёрюп, тиширыўну ненча сабийи болгъанын окъуна билгендиле.

Акъ гыранчаланы ариўлукъгъа, къуўанчха жюрютгендиле. Аланы багъалагъандыла, асырап тутхандыла. Кёп чачакълы чилле жаўлукъ анасындан къызына да ётгенди.

Суратдагъы къызла сюргюнде ачлыкъ сынаргъа тюшгенде окъуна жаўлукъларын къоратмагъандыла. Байрам кюн аланы да башларына къысып чыкъгъандыла. Ала ол кюн барысындан да чырайлы эдиле.


Кимле болгъанларын айтханда, солдан онгнга Гузеланы (Гюзюланы) Арзият, Ажоланы Лена, ючюнчю къызны аты Бедекжан, тукъуму белгисизди. Тёртюнчю къыз Уяналаданды, атын билалмагъанбыз. Къыйырдагъы уа Этезланы Забидады. Сурат 1952 жылда Къазахстанда алыннганды.

Османланы Хыйса,
Дагъыда къара: Балкарские платки



(Нет голосов)

  • Нравится

Комментариев нет